პარლამენტის შენობასთან გამართული აქციის შედეგები ასეთია: დაკავებულია დაახლოებით 50-მდე მოქალაქე, დამწვარია ავტომობილები, ჩამსხვრეულია საკანონმდებლო ორგანოს ფანჯრები.
დაშავებულები არიან როგორც აქციის მონაწილეები, ისე სამართალდამცველები, დაზიანებულია შინაგან საქმეთა სამინისტროს ტექნიკა და აღჭურვილობა.
რაც შეეხებათ დაკავებულებს, კონკრეტული ინფორმაცია შსს-ს ჯერ არ გაუვრცელებია, თუმცა, სავარაუდოდ, ისინი სამართალდამცველების კანონიერი მოთხოვნისადმი დაუმორჩილებლობის ბრალდებით არიან დაკავებულები. დაკავებულებს შორის არის „გირჩი-მეტი თავისუფლებისთვის“ ლიდერი ზურაბ ჯაფარიძეც.
კომენტარები