“მთავარი” არხის დირექტორი, ნიკა გვარამია, სოციალურ ქსელში წერს:
გუშინ, სოციალურ ქსელში, სამწუხარო ინციდენტი მოხდა მთავარ არხსა და რესპუბლიკური პარტიის ლიდერს, ბატონ David Berdzenishvili შორის. ბატონი დავითიც გულმხურვალეა საკუთარი პარტიის პოზიციების დაცვაში და მეც – საკუთარი არხის და ჟურნალისტების ინტერესების. ეს აღმოჩნდა, ჩემი აზრით, ინციდენტის წინაპირობა.
არ დავიწყებ მტყუან-მართლის გარჩევას, არც იმის გარჩევას, ქალბატონი Khatuna Samnidzeის გუშინ გამოთქმული პოზიცია რამდენად სწორად მიგვაჩნია (ამაზე გვაქვს ჩვენი აზრი, მისი დაფიქისრების ულფებასაც ვერავინ წაგვართმევს, რაც ვქენით კიდეც ჩვენი სარედაქციო პოლიტიკის და შეფასების ფორმების ფარგლებში, კორექტულობის სრული დაცვით).
მნიშვნელობას მივანიჭებ მხოლოდ იმას, რომ ჩვენს არხს არაერთგზის დაუფიქსირებია საკუთარი უკიდურესად პოზიტიური დამოკიდებულება რესპუბლიკური პარტიის და მისი ლიდერების მიმართ და, რაც არ უნდა არ ვიზიარებდეთ მათ კონკრეტულ პოზიციას რომელიმე საკითხთან დაკავშირებით, ჩვენთვის ეს პარტია მუდმივად რჩება ქართული პოლიტიკის უმნიშვნელოვანეს და უნიკალურ ნაწილად. მთავარი არხი ინციდენტს ამოწურულად მიიჩნევს, კვლავ რჩება საკუთარი კეთილგანწყობილი პოზიციის ერთგულად რესპუბლიკური პარტიის მიმართ და წარმატებებს უსურვებს მას.”
თავის მხრივ, დავით ბერძენიშვილი, ასევე სოციალურ ქსელში, “მთავარი” არხის” ჟურნალისტს ბოდიშს უხდის და წერს:
“თეა, ბოდიშს გიხდი.
ახლა კი მესმის შენი პროფესიული ინტერესი, მაგრამ გამაკვირვა შენი მხრიდან იმის დაშვებამაც კი, რომ ხელისუფლებასთან ხომ არ გვქონია ფარული კონსულტაცია. ამის გამო ძალიან გავღიზიანდი და ცხელ გულზე დავწერე ის ტექსტი. მალევე წავშალე. ვწუხვარ ძალიან.
რესპუბლიკელებს გვგონია, რომ პარლამენტში შეუსვლელად (ამას ხაზს ვუსვამ), სრულად პროპორციული, უბარიერო სისტემის ერთჯერადი კენჭისყრის მცდელობა უფრო გვაახლოვებს მართლაც მრავალპარტიული პარლამენტით ხელისუფლების ცვლილებას, დაუმორჩილებლობის სტრატეგიით, მასშტაბური აქციებით გაზაფხულზე წელსვე პროპორციული არჩევნების მიღწევა კი გაცილებით პრობლემატური მგონია.”
კომენტარები