რუსთაველზე აქციაზე გუშინ დაკავებული აქტივისტები ლადო ბეროზაშვილი და ზურა მენთეშაშვილი დიღმის იზოლატორში არიან გადაყვანილი. დაკავებულებიდან ერთ-ერთი – ბეროზაშვილი 1 აგვისტოს მომხდარი ინციდენტის თვითმხილველი და პრაქტიკულად ოქროს მოწმეა. სწორედ მან იპოვა დანა, რომელიც “ოცნების” მხარდამჭერ ბექა გოცირიძეს ჯიბიდან ამოუვარდა.
დაკავებულები ცოტა ხნის წინ ადვოკატმა მოინახულა. ინტერესების დამცველი ამბობს, რომ დაკავებულების სასამართლო პროცესი ჯერ არ ჩანიშნულა. მისივე თქმით, ერთ-ერთ მათგანს ჯანმრთელობის პრობლემა აქვს, ამიტომ ადვოკატს ექნება მცდელობა, რომ მისი დაცვის ქვეშ მყოფი პატიმრობიდან ხელწერილის საფუძველზე გაათავისუფლონ.
გადაკეტვის შემდეგ ცდილობდნენ, რომ გზა გაეთავისუფლებინათ. ამ დროს დააკავეს პირველი ზურა, ხოლო წინააღმდეგობის გაწევის დროს, რადგან უნდოდათ, რომ ბატონი ზურა არ გადაეყვანა პოლიციას, ამ დროს უკვე ბატონი ვეფხიაც გადაიყვანეს და დააკავეს. აქ არის გასათვალისწინებელი ის ფაქტი, რომ ბატონ ვეფხიას ჯანმრთელობის მდგომარეობის პრობლემები აქვს. მივაწოდებთ ინფომრაციას შესაბამის ორგანოებს, რომ გაითვალისწინონ. იქნებ ხელწერილით დატოვოს იზოლატორი, იმიტომ, რომ ამის გარემოებები არსებობს რეალურად. გადაყვანის დროს პოლიციის მხრიდან რაიმე გადაცდომა არ დაფიქსირებულა, ამას ორივე აღნიშნავს და ელოდებიან სასამართო სდომებს, როდის გაიმართება. ჯერ არცერთის პროცესი არ არის ჩანიშნული რამდენადაც ჩემთვის ცნობილია, – ამბობს ადვოკატი.
აქტივისტების დაკავების მომენტს იხსენებენ აქტივისტები. ამბობენ, რომ “ოცნებამ” მათ წინააღმდეგ რეპრესიების ახალი ტალღა წამოიწყო.
აშკარად ახალი ტალღა აქვს “ქართული ოცნების” რეჟიმს რეპრესიების, იმიტომ, რომ მოულოდნელად შემოვარდა დაავების მანქანა და დააკავეს ზურა. ყველას გვეგონა, რომ დააკავეს ზურა,რ ომელიც არის ასაკოვანი კაცი, არის 65 წელს გადაცილებული, ზრდილობიანი ადამიანი, ძირითადად ატარებს დროშებს და არასდროს არავისთან კონფლიქტში არ შესულა და აღმოჩნდა, რომ ლადო ბეროზაშვილი მანქანაში შეტენეს და წაიყვანეს ისე, რომ ვერავინ დავინახეთ, – ამბობს აქტივისტი.
აქტვისტები ბეროზაშვილის დაკავებას ბექა გოცირიძის ინციდენტს უკავშირებენ.
კომენტარები