“ტვ პირველის” ოპერატორი, ლექსო ლაშქარავა, რომელი 5 ივლისს, თბილსში, პროფესიული მოვალეობის შესრულების დროს, “თბილისი პრაიდის” მოწინააღმდეგე რადიკალებმა სასტიკად სცემეს და სახის ძვლები ჩაუმტრვიეს, დღეს დილით დედამ გარდაცვლილი იპოვა.
მომხდარზე საკუთარ პასუხისმგებლობას „თბილისის პრაიდის“ მოწინააღმდეგეთა დაჯგუფების ერთ-ერთი ლიდერი, ორგანიზატორი, საზოგადოება „ზნეობის“ წარმომადგენელი გურამ ფალავანდიშვილი? – ამ და სხვა კითხვებს “პრაიმტაიმთან” ინტერვიუში პასუხობს:
გურამ ფალავანდიშვილი: პირველ რიგში, ძალიან სამწუხარო ფაქტია. ეს რისი შედეგია? რა თქმა უნდა, ვინც ურტყამდა, არ უნდა დაერტყა და ეს დაუშვებელი იყო, მაგრამ მთავარი პასუხისმგებელი ამ შფოთის მოწყობის არის „თბილისი პრაიდი”, მათი პასუხისმგებლობის საკითხი უნდა დადგეს.
-რატომ ადანაშაულებთ „თბილისი პრაიდის“ წევრებს? ისინი ხომ არ სცემდნენ მშვიდობიან მოქალაქეებს
-არ სცემდნენ, მაგრამ პრაიდის წევრებმა გამოიწვის ამხელა შფოთი, რომ ათასობით კაცი გამოვიდა ქუჩაში გაბრაზებული და მოხდა ცემის ფაქტები, ეს ყველაფერი არის „თბილისი პრაიდის“ ბრალი.
-ამ მძიმე ფაქტზე მოძალადე ჯგუფის ბრალეულობას საერთოდ ვერ ხედავთ?
-რა თქმა უნდა, დამნაშავეები არიან, მაგრამ პასუხისმგებელი „თბილისი პრაიდია“.
-ვინ მოუწოდებდა ამ დაჯგუფებას, რომ ეძალადათ მშვიდობიან მოქალაქეებზე?
-მე პირადად არ მომიწოდებია, რომ ვინმეზე ეცემათ.
-თქვენ ხელმძღვანელობდით თუ არა ამ მოძალადე ჯგუფს?
– რა თქმა უნდა, არა. მე არავითარი შეხება არა მაქვს იმ ადამიანებთან, ვინც მოქალაქეებს სცემდა.
-თქვენ ხართ ერთ-ერთი ლიდერი „თბილისი პრაიდის“ მოწინააღმდეგეთა ჯგუფისა, მომხდარზე თქვენს წინ პასუხისმგებლობას საერთოდ ვერ ხედავთ?
-მე არ ვიღებ. მე პირადად იმიტომ ვიდექი იქ, რომ შემეჩერებინა ძალადობა „თბილისი პრაიდის“ მხრიდან. თავიდანვე ვიძახოდი, რომ შეიძლება იყოს მსხვერპლი, თუ ისინი მოისურვებდნენ გარეთ გამოსვლას.
კომენტარები