საქართველოს ნაკრების ფეხბურთელებმა, გურამ კაშიამ და ვაკო ყაზაიშვილმა “სან ხოსე” დატოვეს და ამის შესახებ ინფორმაცია ინსტაგრამის საკუთარ გვერდზე დაწერეს. კაშია სან ხოსეში 2018 წლის ზაფხულიდან თამაშობდა და ამერიკული გუნდის ღირსება 45 შეხვედრაში დაიცვა. 33 წლის მცველი თავისუფალი აგენტი გახდა – სად გააგრძელებს კარიერას ჯერჯერობით უცნობია.
გაურკვეველია ასევე ყაზაიშვილის ბედიც, 27 წლის ნახევარმცველი სან ხოსეს მაისურით 2017 წლიდან თამაშობდა და 100 შეხვედრაში 25 ბურთი გაიტანა.
კომენტარები