29 ივლისს გუდაურში სასაზღვრო პოლიციის ვერტმფრენის ჩამოვარდნის შედეგად დაღუპულებს დღეს დაკრძალავენ.
სამოქალაქო პანაშვიდი სამების საკათედრო ტაძარში 11:00-დან 14:00-საათამდე ჩატარდება. დაღუპულებს ტაძრიდან გაასვენებენ და სხვდასხვა ლოკაციებზე, საგვარეულო სასაფლაოებზე სამხედრო პატივით დაკრძალავენ.
მფრინავი ზაზა ლორია, მფრინავი დიმიტრი ქააძე, მფრინავი ლევან ჩოხელი, მფრინავი ანდრო ქუჯოშვილი, მაშველი კახა ტორჩინავა, მაშველი გიორგი მარგიანი, ექიმი ქეთევან გულაღაშვილი და ექიმი გიორგი ვენეცკი ის ადამიანები არიან, რომლებმაც სხვისი სიცოცხლის გადასარჩენად საკუთარი გაწირეს.
შეგახსენებთ, რომ 29 ივლისს, გუდაურში პარაპლანი კლდეს დაეჯახა. პარაპლანის ჩამოვარდნისას დაშავებულების დასახმარებლად მიდიოდა სასაზღვრო პოლიციის ვერტმფრენი, რომელშიც ოფიციალური უწყებების ცნობით, 8 ადამიანი იმყოფებოდა. ადგილზე მისულმა სამაშველო ვერტმფრენმა ავიაკატასტროფა განიცადა.
კომენტარები