„გონივრულ ვადაში თუ არ გაათავისუფლებენ გიორგი მამალაძეს, უკიდურესი ზომები იქნება მისაღები“, – ამის შესახებ ჭყონდიდის განყენებულმა მიტროპოლიტმა პეტრე ცაავამ განაცხადა.
ამასთან, პეტრე ცაავა აქციების გამართვას არ გამორიცხავს.
„თეთრი შავზე ჩანს, გიორგი მამალაძემ მოიგო ეს პროცესი. ფაქტობრივად, სამართლიანმა სასამართლომ მისი მხარე დაიჭირა. საზოგადოების ჯანსაღმა ნაწილმა იცოდა, რომ ე.წ ციანიდის საქმე შეკერილი იყო. ევროპული სასამართლო აღიარებს, რომ მის საქმეზე უდანაშაულობის პრეზუმფცია დაირღვა.
ყველაფერი უნდა გაკეთდეს, ულტიმატუმი უნდა წაუყენოს საზოგადოებამ, მეც მიმაჩნია, ამაში მეც უნდა მივიღო მონაწილეობა, რომ რაღაც გონივრულ ვადაში თუ მამალაძეს არ გაათავისუფლებენ, რაღაც უკიდურესი ზომებია მისაღები, ეს იქნება პერმანენტული აქციების სახით საპატრიარქოსთან თუ მთავრობის ადმინისტრაციასთან, „ქართული ოცნების“ ოფისთან თუ ასე შემდეგ“, – აცხადებს პეტრე ცაავა.
შეგახსენებთ, სტრასბურგის სასამართლოს გადაწყვეტილებით, დეკანოზ გიორგი მამალაძის სასარგებლოდ სახელმწიფოს კომპენსაციის გადახდა დაეკისრა.
კომენტარები