გოგა ბითაძე ნბა-ში რჩება. ქართველი სპორტსმენი „ორლანდო მეჯიქის“ კალათბურთელი გახდა. ინფორმაცია კლუბის საკალათბურთო ოპერაციების პრეზიდენტმა ჯეფ უელტმენმა დაადასტურა. „ორლანდოს“ პოლიტიკიდან გამომდინარე, ჯერჯერობით, კონტრაქტის დეტალები უცნობია.
შეგახსენებთ, რომ ცოტა ხნის წინ ბითაძე „ინდიანა პეისერსმა“ გუნდიდან გაუშვა. გოგა თავისუფალი აგენტის სტატუსით სარგებლობდა და ეს შანსი „ორლანდომ“ გამოიყენა.
ქართველმა კალათბურთელმა ამ სეზონში 21 მატჩში მიიღო მონაწილეობა და საშუალოდ 3.3 ქულას და 2.3 მოხსნას 9.6 წუთში აგროვებდა. მან „დეტროიტ პისტონსის“ წინააღმდეგ ორმაგი დუბლი 14 ქულითა და 15 მოხსნით გაიფორმა.
ბითაძე 2019 წელს „ინდიანა პეისერსმა“ მე-18 ნომრად აირჩია, მას შემდეგ კი, გოგამ NBA-ში 170 მატჩი ჩაატარა (21 სასტარტო შემადგენლობაში).
კომენტარები