საქართველოს პრემიერ-მინისტრი გიორგი გახარია აშშ-ის სახელმწიფო მდივან მაიკ პომპეოს საქართველოში ვიზიტს სოციალურ ქსელ Twitter-ზე გამოეხმაურა.
„მოუთმენლად ველოდები სახელმწიფო მდივან მაიკ პომპეოსთან აშშ-საქართველოს სტრატეგიული პარტნიორობისა და ჩვენი ევროატლანტიკური დღის წესრიგის განხილვას. მისი ვიზიტი ჩვენი ორმხრივი ურთიერთობების სიძლიერის კიდევ ერთი მტკიცებულებაა“, – წერს გიორგი გახარია.
აშშ-ის სახელმწიფო მდივანი მაიკ პომპეო ვიზიტის ფარგლებში შეხვედრებს გამართავს საქართველოს პრემიერ-მინისტრ გიორგი გახარიასთან, საქართველოს პრეზიდენტ სალომე ზურაბიშვილთან და საგარეო საქმეთა მინისტრ დავით ზალკალიანთან.
მაიკ პომპეო შეხვდება საქართველოს კათოლიკოს-პატრიარქს, ილია მეორეს. ვიზიტის ფარგლებში პომპეო შეხვედრას გამართავს საქართველოს სამოქალაქო საზოგადოების წარმომადგენლებთან.
კომენტარები