მოგეხსენებათ, საქართველოს მთავრობამ ეკონომიკური კრიზისის დაწყებიდან პირველივე დღიდან განაცხადა რესურსების გადანაწილების პრინციპი როგორც ბიზნესის, სამუშაო ადგილების შენარჩუნების, ასევე ჩვენი მოქალაქეების სოციალური მხარდაჭერის თვალსაზრისით, – ამის შესახებ პრემიერ-მინისტრმა მთავრობის სხდომაზე განაცხადა. გიორგი გახარიას თქმით, მთავრობამ ამ გეგმის მეოთხე ეტაპზე მუშაობა უკვე დაიწყო, რომელიც პირდაპირ იქნება გამიზნული როგორც მოქალაქეების, ასევე ბიზნესის მხარდაჭერაზე.
„ჩვენ ახლა ამ ყველაფრის მოდერნიზებას ვაკეთებთ იმისთვის რომ უახლოეს დღეებში დავიწყოთ შეხვედრები როგორც კონკრეტულ სექტორალურად ბიზნესის წარმომადგენლებთან, ასევე ყველაზე მსხვილ დამსაქმებლებთან, იმისთვის რომ ვიპოვოთ ის გამოსავალი, რომელიც ხელს შეუწყობს ჩვენს ეკონომიკას შეინარჩუნოს შემდგომი ზრდის პოტენციალი, ეს ერთი. და მეორე, ჩვენი მოქალაქეებისთვის მაქსიმალურად შევინარჩუნოთ სამუშაო ადგილები. ამისთვის შექმნილია სპეციალური ჯგუფი, რომელშიც მონაწილეობს როგორც საქართველოს მთავრობის ეკონომიკური გუნდი, ასევე ეროვნული ბანკი, ჩვენი საერთაშორისო პარტნიორები და უახლოეს პერიოდში ამ ჯგუფის მუშაობის შედეგები ყველასთვის ნათელი გახდება“, – განაცხადა პრემიერმა.
კომენტარები