დაკავებული ექიმი, წლის გიორგი ჩახუნაშვილი ზაჰესის დროებითი მოთავსების იზოლატორშია გადაყვანილი.
როგორც 71 წლის აკადემიკოსის ადვოკატი, მარიამ ჯიქია “პირველებთან” ამბობს, ჩახუნაშვილისთვის დაკავების საფუძვლები ცნობილი არ არის, თუმცა სამართალდამცველების კითხვებიდან გამომდინარე, საქმე ათონელზე მომხდარს უკავშირდება.
უფლებადამცველი ამბობს, რომ ადვოკატებს გუშინ ღამით შეუზღუდეს ექიმის მონახულება, თუმცა ბოლოს ღამის სამ საათზე მაინც მოხერხდა ზაჰესის იზოლატორში შესვლა.
გიორგი თავად თავს კარგად გრძნობს – ამბობს ადვოკატი.
ექიმი გიორგი ჩახუნაშვილი მოვინახულეთ გუშინ, ღამის 3 საათზე ადვოკატებმა, გიორგი თავად თავს კარგად გრძნობს. გუშინვე ნახავდით იმ ვიდეო კადრებს, რა მასშტაბის საპოლიციო ძალების მობილიზება მოხდა მის საცხოვრებელ სახლთან. მისთვის დაკავების საფუძვლები ცნობილი არ არის, თუმცა ის კითხვები, რაც მას დაუსვეს თბილისის პოლიციის დეპარტამენტში, უკავშირდება ათონელზე მომხდარ შემთხვევას. მას ბრალი ამ ეტაპზე წარდგენილი არ აქვს. ადვოკატებს შეგვიზღუდეს მისი ნახვის შესაძლებლობა, ყველა ეტაპზე ცდილობდნენ, რომ ის დაემალათ ჩვენთვის”, – ამბობს ადვოკატი.
აკადემიკოსი გიორგი ჩახუნაშვილი გუშნ დააკავეს. მანამდე ექიმის სახლში კრიმპოლის წარმომადგენლები მივიდნენ და სახლის ჩხრეკას აწარმოებდნენ.
კომენტარები