რამდენიმე დღის წინ ტრაგედია დატრიალდა დრამისა და კინოს მსახიობის, ცნობილი “ინფლუენსერის” თამუნა მდივანის ოჯახში. გარდაიცვალა მისი ვაჟი გიორგი მდივანი.
თამუნამ ახლახან ვიდეო მიმართვა გამოაქვეყნა და საზოგადოებას მისი ტკივილის გაზიარებისთვის მადლობა გადაუხადა. “მაპატიეთ ეს ცრემლიანი ვიდეო”, – წერს თამუნა მდივანი.
“სიტყვებს ვერ ვალაგებ, მაგრამ აუცილებლად უნდა ჩავწერო იმიტომ რომ ძალიან ბევრი ადამიანი, თქვენ მედექით ამ ჩემთვის ურთულეს დღეებში, ვგრძნობდი თქვენს თანადგომას. უფლის მადლიერი ვარ, რომ მაძლებინებს და ზუსტად ვიცი, რომ გიორგი მასთან არის და რომ გიორგის ახლა საუკეთესო დედიკო ჰყავს, ღვთისმშობელი, ეს მაძლებინებს და თქვენი თანადგომა, ჩემი წუხილის თქვენ მიერ გაზიარება, იცოდეთ, რომ ჩემთვის ძალიან ძვირფასია.
ყველას მინდა მადლობა გადაგიხადოთ თითოეული ლოცვისთვის, რომელიც ჩემი შვილისთვის წარმოთქვით ამ დღეებში, ჩემი გიორგის სულისთვის. ძალიან მიჭირს ახლა ამ თემაზე საუბარი, მაგრამ ვალდებულად ვთვლი თავს ამდენი ადამიანის წინაშე რომ ჩემი მადლიერება გამოვთქვა”, – ამბობს მსახიობი.
კომენტარები