ჭყონდიდის ყოფილი მიტროპოლიტის, მეუფე პეტრე ცაავას თქმით, საეკლესიო სასამართლოს გარეშე მიღებულ არცერთ გადაწყვეტილებას არ ექნება ძალა.
“ჩემს თავს გამოვუტანე განაჩენი, რომ სიკვდილამდე ვიბრძოლო ეკლესიაში არსებული უწმინდურობის, უკანონობის წინააღმდეგ. ამის გამო ღვთისგან ველოდები ჯილდოს, მაგრამ ჩემი მსხვერპლი აუცილებლად გახდება მიზეზი ერის გამოღვიძების…
ამ უპასუხისმგებლო დამოკიდებულებაზე ანალიზს ვერ გავაკეთებ, დაველოდოთ. მთავარია რა ხდება ზეცაში და არა ის, რა ხდება დაბნელებულ ჭაობში, წარწყმედის გზაზე მყოფ საპატრიარქოში. ესენი არიან ყველაფრის მკადრებელი ადამიანები. ამათთვის ყველაფერი შესაძლებელია, თუმცა ეს იქნება უკანონობა. საეკლესიო სასამართლოს გარეშე მიღებულ არცერთ გადაწყვეტილებას არ ექნება ძალა.
დაკითხონ მეუფე ვახტანგი, მოწმეები, ვინც ადასტურებენ იმას, რაც მე გავაჟღერე. განჩინების დაგვიანება მიანიშნებს იმაზე, რომ სრული უპასუხისმგებლობაა საპატრიარქოსგან სინოდისადმი. საპატრიარქო ბოლომდე ამცირებს და შეურაცხყოფას აყენებს სინოდის წევრებს – სინოდი იყო ფორმალობა და მთავარია, რა დაიწერება პატრიარქის მდივან-რეფერენტის კაბინეტში”, – ამბობს ყოფილი მიტროპოლიტი.
მისივე თქმით, ბოდბელმა ეპისკოპოსმა ე.წ. ციანიდის საქმე “პატრიარქის ცოდვების გადასაფარად შეკერა” და, შესაბამისად, განვითარებულ მოვლენებზე პასუხისმგებლობაც მას ეკისრება.
კომენტარები