„მრჩევლებმა უთხარით პრემიერს, პოპულიზმით წარმატებამ მოკლევადიანი ეიფორიის მერე რთული ნაბახუსევი იცის, როგორც ყველა ტყუილმა და მავნებლობამ“ – ამის შესახებ სახალხო დამცველის ყოფილი მოადგილე, უფლებადამცველი სოფიო ხორგუანი სოციალურ ქსელში წერს:
ამასობაში, ღარიბაშვილიც შედგომია ნაცმოს მოლიპულ გზას პოპულისტული პროპაგანდით, თურქულ ბაზარს ვხსნიო.
თურქული წამალი ახლაც იყიდება ჩვენთან, იყიდება ევროპისთვის შეფუთული და ავტორიზებული. თურქეთში თურქული თურქეთისათვის სუბსიდირებულად წარმოებული წამალია იაფი. ამისთვის თუ ხსნის ბაზარს, ეგ ცოტა ხნის წინ სცადა ალიევმა აზერბაიჯანში და მალევე შეწყვიტა, უხარისხო და ფალსიფიცირებული წამლისგან ვერ იცავდა ბაზარს და შესაბამისად, მოსახლეობას.
მოკლედ, ჯანდაცვის სისტემას რეფორმირება სჭირდება კაპიტალური, სიღრმისეული, თანმიმდევრული, დროში გაწერილი და გააზრებული. და არა ეს იაფფასიანი კოსმეტიკით მიფერუმარილება.
p.s. მრჩევლებმა უთხარით პრემიერს, პოპულიზმით წარმატებამ მოკლევადიანი ეიფორიის მერე რთული ნაბახუსევი იცის, როგორც ყველა ტყუილმა და მავნებლობამ.
p.p.s. ევროპა, ევროკავშირი, ევროპასთან ასოცირების ხელშეკრულება ევროპული ცხოვრების სტანდარტის გამო გვინდა, რაც მეტ უსაფრთხოებას, ანგარიშვალდებულებასა და სამართლიანობას გულისხმობს“ – წერს სოფიო ხორგუანი.
ცნობისთვის, საქართველოს პრემიერ-მინისტრის, ირაკლი ღარიბაშვილის განცხადებით, მედიკამენტების გაიაფებასთან დაკავშირებით მთავრობა გადაწყვეტილებებს მიმდინარე კვირაში მიიღებს. როგორც ღარიბაშვილმა მთავრობის სხდომაზე განმარტა, მედიკამენტების გაიაფების ერთ-ერთ წინაპირობა თურქული ბაზრის გახსნა იქნება.
კომენტარები