რუსი ჟურნალისტი, მარინა ოვსიანიკოვა, რომელიც უკრაინის ომის წინააღმდეგ რუსეთის სახელმწიფო ტელევიზიის პირდაპირ ეთერში პროტესტის ნიშნად გამოჩნდა, გერმანულმა გაზეთმა Die Welt-მა კორესპონდენტად დაასაქმა. 43 წლის მარინა ოვსიანიკოვა Die Welt-ის გაზეთსა და საინფორმაციო არხზე, უკრაინიდან და რუსეთიდან, ახალი ამბების განყოფილებაში იმუშავებს. ამის შესახებ გამოცემის მფლობელმა, აქსელ სპრინგერმა განაცხადა. ამის შესახებ The Guardian იუწყება
.„მიუხედავად სახელმწიფოს მხრიდან რეპრესიებისა თუ საფრთხისა, რუსეთის საზოგადოებრივი მაუწყებლის ყოფილმა რედაქტორმა მისი საეთერო პროტესტით, ყველაზე მნიშვნელოვანი – ჟურნალისტური ეთიკა მაინც დაიცვა“, – განაცხადა Welt Group-ის მთავარმა რედაქტორმა, ულფ პორშარდტმა.
გასულ თვეში,რუსეთის მთავრობამ მარინა ოვსიანიკოვა რუსეთის უკრაინაში შეჭრის წინააღმდეგ გამართული საგანგებო დემონსტრაციისათვის, „საპროტესტო კანონების დარღვევის გამო“, 30,000 რუბლით (215 ფუნტი) დააჯარიმა.
კომენტარები