ფოტო – 2023 წლის 6 ივნისი, პრემიერი ღარიბაშვილი გელათში
გელათის ფრესკების გადარჩენა შეუძლებელია – ასეთია მთავრობის მიერ შექმილი რესტავტრატორების ჯგუფის პირველი ანგარიში.
ექსპერტების თქმით, არის მხატვრობის ნაწილისთვის, სადაც რესტავრაცია შეუძლებელია, ავთენტური სახე იკარგება და დაზიანებები ისევ აქტიურ ფაზაშია. რეაბილიტაციუს კომიტეტის მთავადი მიზანი ახლა გელათის დროებითი გადახურვის დასრულებაა, რომ კედლების გამოშრობის პროცესი დაიწყოს.
დღეს უკვე თვალნათლივ სახეზეა წინა საკონსერვაციო ჩარევების წარუმატებლობა და ამ ჩარევების შედეგად კიდევ უფრო მოხდა კედლის მხატვრობის მდგომარეობის დამძიმება, რაც სამწუხაროდ, კიდევ უფრო აფერხებს და ხელს უშლის სამომავლო ჩარევას. ამ ეტაპზე რაც არის გამოკვეთილი, იმ ნაწილებში, სადაც საკონსერვაციო ჩარევა განხორციელდა 2021-22 წლებში, სამწუხაროდ, ამ ნაწილში საკონსერვაციო ჩარევის საშუალება ჩვენ არ გვაქვს, მიუხედავად იმისა, რომ იქ მდგომარეობა არის კრიტიკული, დაზიანება კვლავ აქტიურია, მარილების კრისტალიზაციის ციკლი კვლავ აქტიურ ფაზაშია და რა თქმა უნდა, დანაკარგებიც კვლავ მიმდინარეა. რომ არ განოხრციელებულიყო ჩარევა, დანაკარგი იქნებოდა ბევრად ნაკლები, ვიდრე გვაქვს ახლა. ახლა, ამჟამად პროცესი დაზიანების არის მიმდინარე და რეალურად, ვერ ვერევით, ვერ ვეხებით. აქ არის წარმოდგენილი დაზიანების ძალიან მძიმე ფორმები. საგანგაში მდგომარეობა არის იმაში, რომ ეს დაზიანება არის მიმდინარე და დანაკარგი თუ დაზიანების დროს იყო საკმაოდ დიდი, სამწუხაროდ, დანაკარგის მასშტაბი იზრდება, – ამბობს კედლის მხატვრობის რესტავრატორი ლელა ნინოშვილი.
გელათის რეაბილიტაციის კომიტეტი, რომელსაც საპატრიარქო ხელმძღვანელობს უკვე 6 თევა მონასტერში მუშაობს. კომიტეტის წევრები ამბობენ, რომ ახლა მათ მიზანს კედლების გამოშრობა წარმოადგენს. მათი თქმით, არასწორად გაკეთებული გადახურვის სამუშაოების გამო ტაძარში წყალი ჩადიოდა და სინესტე დაგროვდა, ამის გამო კედლის გამოშრობა ამ დრომდე ვერ ხერხდება.
რაც შეეხება კედლების სისველეს, უნდა მოხდეს მათი გამოშრობა. ბინებრივია, შეუძლებელია 100%-ით ყველაფრის აღდგენა, არის დაზიანებული სივრცეები. ამდენი საუკუნე გელათი ჩვენ შევინარჩუნეთ და მემგონი, ძალიან დიი სირცხვილი იქნება ყველა ჩვენთაგანის, რომ ჩვენ დავაზიანოთ, – ამბობენ კომიტეტში.
2018-19 წლებში გელათის სახურავის სარემონტო სამუშაოების შედეგად ტაძარში წყალი ჩავიდა, რის შემედგაც შეუქცევადი პროცესები დაიწყო. 2021 წელს გელათის რეაბილიტაციის საქმეში იტალიური ასოციაცია, თუმცა დაზიანებებმა ტაძარში იმატა.
2023 წლის 6 ივნისს გელათში ყოფნისას პრემიერ-მინისტრმა აღნიშნა, რომ სამონასტრო კომპლექსში აღდგენითი სამუშაოების ჩასატარებლად საჭიროა შემუშავდეს ახალი, ერთიანი გენერალური გეგმა, რომლის მიხედვითაც, კვლევების საფუძველზე აღდგენითი სამუშაოები ჩატარდება.
კომენტარები