მიუხედავად იმისა, რომ გავრცელებულ კადრებში კარგად ჩანს, როგორ დაესხნენ ქართული ოცნების წევრები თავს აქციის მონაწილეებს, შს მინისტრი, გელა გელაძე, რომელიც პირველი მინისტრია, ზედმეტსახელით “გეკა” რომ აწერს ხელს ოფიციალურ განცხადებებს, სწორედ აქციის მონაწილეებს, დაზარალებულებს მიმართავს და მოუწოდებს მათ დაემორჩილონ პოლიციას.
გავრცელებულ კადრებში ჩანს, როგორ არ ემორჩილებიან ოცნების წევრები პოლიციას, მაინც არავინ დაუკავებით და უცნობია, აქციის მონაწილეები როგორ უნდა დაემორჩილნონ, საკუთარი თავის გალახვის საშუალება უნდა მისცენ? ვინმე არაა “საკმარისად” ნაცემი და კიდევ საჭიროა?
“გეკა” ითხოვს, მოქალაქეებმა არ დაუშვან სიტუაციის ხელოვნურად ესკალაცია, თუ თავდამსხმელები არ იქნებიან დაკავებულნი, თუ მოქალაქეებმა უნდა აირიდონ ისინი თავიდან, რა საჭიროა, მაშ, პოლიცია? “გეკა” ამაზე არაფერს წერს.
“გეკას” უწყება ამტკიცებს, რომ დაპირისპირების დაწყებიდან მალევე მიიღეს შესაბამისი ზომები, ოღონდ, არც იმას აკონკრეტებს, დაანონსებული აქციის პირობებში, რატომ არ იყო საჭირო რაოდენობა პოლიციელთა მობილიზებული ადგილზე და არც იმას წერს, რა არის შესაბამისი ზომა, თუ ქართული ოცნების წევრები ვერ შეაკავა პოლიციამ, თუ თავდასხმა ვერ შეაჩერა, თუ არც ერთი თავდამსხმელი არ დაუკავებია?
“მოვუწოდებთ შეკრების მონაწილეებს, დაემორჩილონ პოლიციის კანონიერ მითითებებს, არ დაუშვან სიტუაციის ხელოვნურად ესკალაცია, წინააღმდეგ შემთხვევაში სამართალდამცველები მიმართავენ კანონით დადგენილ ღონისძიებებს, ხოლო კანონდარღვევის თითოეულ ფაქტს შესაბამისი სამართლებრივი რეაგირება მოჰყვება,” – წერია განცხადებაში.
კომენტარები