“გეგმებით ვარ, არ დაფრთხეთ” – ივანიშვილის დავარცხნილი მოკავშირე – რას წერს თამარ ჩერგოლეიშვილი

“ტაბულას” რედაქტორი, თამარ ჩერგოლეიშვილი, სოციალურ გვერდზე აქვეყნებს ფოტოს და წერს:

“ბიძინა ივანიშვილის გვერდიდან გვატყობინებს გახარია, რომ “რეალურად, გეგმებს მიუყვება”.

თუ კი ვინმეს მცირე ემოციური ინტელექტი გააჩნია, იოლად მიხვდება, რომ თუ გეგმა ოპოზოციონერობა, ამას ივანიშვილის გვერდიდან, ვერაგ გეგმად არ გვასაღებ.

იოლი მისახვედრია, რომ გახარია შეშინებული, შედარებით დავარცხნილი ქოცების (2020 წელს ვინც ჯერ კიდევ ხმა მისცა) დასამშვიდებლად გამოაგდო – “გეგმებით ვარ, არ დაფრთხეთ”.

რეალურად, რეაქციული მანევრია – ესაა რეაქცია დასავლეთის წნეხზე, ევროკავშირში ელჩის გადადგომაზე და ოპოზიციის ვადამდელი, წინასაარჩევნო კამპანიის ანონსზე.”

“გუშინ, ნატა საბანაძის გადადგომას მოყვა, დღეს – გახარიას თემის განსაკუთრებული გააქტიურება.

ნატა საბანაძის გადადგომა ევროკავშირისთვის ძალიან მნიშვნელოვანი სიგნალია. ეგ ქმნიდა ამ ქვეყნის ნორმალურობის შთაბეჭდილებას ევროკავშირში – ობიექტურად, ძალიან კარგი ელჩი იყო.

ახლა, ბიძინას სჭირდება იმის ჩვენება, რომ მხოლოდ ღარიბაშვილის და კობახიძის იმედად არ არის და უფრო დავარცხნილი მოკავშირეებიც ყავს.

ანუ რაც დღეს ხდება, იმის დასტურია, რომ ივანიშვილი გამოსავალს ეძებს.

გამოსავალს მაშინ ეძებ, როცა ხვდები რომ რთულ ვითარებაში ხარ.

p.s. ივანიშვილის გვერდები აპიარებენ გახარიას და რამდენიმე ბრძენი ჩემს ნიუსფიდში გახარიას ოპოზიციონერობას მიესალმება.

თავმოყვარეობაზე ხელს რომ აიღებ, მერე ყველაფერი შეიძლება ქნა, ეგ ხომ იცით?”