გდდ-ს ყოფილი მაღალჩინოსანი ირაკლი შაიშმელაშვილი ბრალს არ აღიარებს – ამის შესახებ “პირველებს” მისმა ადვოკატმა, ნათია მეზვრიშვილმა განუცხადა.
უფლებადამცველის თქმით, საქმეში, რომელიც მას გუშინ გადაეცა, ბრალის დამამატკიცებული არცერთი მტკიცებულება არ დევს.
გდდ-ს ყოფილი მაღალჩინოსნის აღკვეთ ღონისძიებაზე სასამართლო დღეს 14:00 საათზე იმსჯელებს.
მასალები რაც გადმომეცა, საერთოდ მსგავსი შემადგენლობის ვიდეო მასალა არ არსებობს. ბატონმა ირაკლიმ თავის კონსტიტუციურ ფარგლებში დააფიქსირა აზრი. გამოხატვის თავსიუფლება ჰქონდა და არავითარ დანაშაულებრივ ნიშნებს არ შეიცავს.
ის რა თქმა უნდა, ბრალს არ აღიარებს და ასაღიარებელიც არაფერია. ის რაც საქმის მასალებში დევს, საერთოდ არ შეიცავს დანაშაულის ნიშნებს, შესაბამისად ბრალიც აბსურდულია”. – განაცხადა ადვოკატმა.
ირაკლი შაიშმელაშვილს ბრალდება საქართველოს სისხლის სამართლის კოდექსის 317-ე მუხლით (საქვეყნოდ მოწოდება საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.
კომენტარები