სოციალურ ქსელში აქტიურად ავრცელებენ ინფორმაციას, რომლის მიხედვითაც, ყაზბეგში სოფელ ჯუთასკენ მიმავალი გზა მძიმე მდგომარეობაშია და ხელისუფლებას უყურადღებობაში ადანაშაულებენ, რასაც საავტომობილო გზების დეპარტამენტი სპეციალური განცხადებით გამოეხმაურა:
“ჯუთას გზის რეაბილიტაციის პროექტი დასრულებულია და სამუშაოებისათვის მობილიზაცია დაწყებულია. როგორც საზოგადოებას მიმდინარე წლის ივნისში მივაწოდეთ ინფორმაცია, აჩხოტი-სნო-ახალციხე-ჯუთას საავტომობილო გზის კმ12-კმ16 მონაკვეთზე, მიმდინარეობდა მუდმივი მონიტორინგი და მზადდებოდა პრევენციისა და რეაბილიტაციის პროექტი.
2022 წლის ბოლოს დაწყებული პირველადი კვლევები და საპროექტო გადაწყვეტილებები უკვე დასრულებულია. გამოიკვეთა სამი დაზიანებული და ერთი მეწყრული ადგილი.
მიმდინარე წლის 21 ივლისს, სამშენებლო კომპანიას უკვე დაევალა წინასამშენებლო კვლევების განხორციელება და სამუშაოების დაწყება.
კონტრაქტორი ორგანიზაცია აწარმოებდა მოსამზადებელ და სამობილიზაციო სამუშაოებს. მომდევნო კვირიდან კი, დაიწყება სამშენებლო სამუშაოები.
რთული რელიეფიდან და სამუშაოების სპეციფიკიდან გამომდინარე, სამუშაოების მიმდინარეობისას, საავტომობილო გზაზე გადაადგილება აიკრძალება“, – აღნიშნულია ინფორმაციაში.
აღსანიშნავია, რომ უწყებამ უწყებამ საავტომობილო გზაზე გადაადგილების აკრძალვის შესახებ განცხადება პირველად, დაახლოებით ორი კვირის წინ გააკეთა.
კომენტარები