„ტაბულას“ რედაქტორი თამარ ჩერგოლეიშვილი სოციალურ ქსელში ბრეჟნევის პლაკატს აქვეყნებს და წერს:
„ჩემხელებს გეხსომებათ ბრეჟნევის უზარმაზარი ბანერი ფილარმონიასთან.
დედაჩემთან ერთად ავტობუსით მივდიოდი – ალბათ 3 წლის ვიქნებოდი.
კარგად მახსოვს, კალთაში ვეჯექი, ავტობუსის სკამიც კი მახსოვს – შუაში და მარცხნივ, გმირთა მოედნისკენ ვეშვებოდით.
ხოდა ბრეჟნევი რომ დავინახე ავყვირდი – მამა რომ მაიმუნს ეძახის, ის კაცია მეთქი.
ძააან გახარებული ვყვიროდი და ვიცინოდი თან – მაიმუნი, მაიმუნიიიიიი!
მახსოვს დამფრთხალი დედაჩემი როგორ მეხვეწებოდა, გაჩუმდი – მამას დაიჭერენო.
გავჩუმდი მერე – არ მინდოდა მამაჩემი ვინმეს დაეჭირა (თან ალბათ მომწყინდა კიდეც).
ავტობუსის მგზავრების უხერხული დუმილიც მახსოვს.
მეთქი, ესენი რატომ არ იცინიან ასეთ სასაცილოზე?
(მადლობა ჯინო სიხარულიძეს, ფოტო მისგანაა).“
კომენტარები