“გაუმარჯოს თავისუფალ ღვანკითს!”

კორონავირუსის გავრცელების მაღალი რისკის გამო ჩაკეტილი სოფელი იმერეთში, ღვანკითი დღეიდან გაიხსნა.

თერჯოლის სოფელი 23 აპრილს ჩაკეტეს, რის შედეგად სოფელში შესვლა-გამოსვლა აკრძალული იყო.

ადგილზე მოეწყო 5 ბლოგ-საგუშაგო, რომელიც სოფლის გახსნის მიუხედავად ადგილზე მაინც რჩება. სოფელში სულ 705 კომლი ცხოვრობს.

სოფელში ამ ხნის განმავლობაში ტარდება თერმოსკრინინგი, რომლის შედეგად კოვიდინფექციის მხოლოდ 13 შემთხვევა დაფიქსირდა.

სოფლის მოსახლეობა ბოლო დღეების მანძილზე აქტიურად აპროტესტებდა სოფლის ჩაკეტვას.

სოციალურ ქსელში, “გირჩის” ლიდერი, ზურა ჯაფარიძე მილოცვებს იღებს სოფლის გახსნასთან დაკავშირებით და წერს:

“ყველას დიდი მადლობა მოლოცვებისათვის!

გაუმარჯოს თავისუფალ ღვანკითს!”