„გაფრთხილება ქართული ბანკებისადმი“ – რომან გოცირიძე

-ვიზა და მასტერქარდი არის ამერიკული კომპანია. ნებისმიერი ოპერაცია, განხორციელებული ამ ბარათებით სანქცირებულ რუსულ კომპანიასთან, მაგალითად, “ლუკოილთან”( მაგ. საბანკო ტერმინალებით) არის სანქციის დარღვევა და სერიოზული რისკის ქვეშ დადგებიან ბანკის აქციონერები და კლიენტები.

-დოლარში გაკეთებული გადარიცხვები ამ კომპანიების ანგარიშებიდან არის სანქცირებული, მაგალითად, საწვავის შესაძენად, სვიფტით თუ სხვა გზით.

-ნებისმიერი გადარიცხვა სანქცირებული კომპანიიდან( ევროში, დოლარში), რომელიც გაივლის ამერიკულ ბანკებს( ე. წ. საკორესპონდენტო ანგარიშებიდან) არის სანქციის დარღვევა.

რატომ არ აჩერებენ ქართული ბანკები ანგარისწორებას გაურკვეველია. სანქციების აღსრულებისათვის განსაზღვრული დრო მიეცა ამერიკის ფიზიკურ და იურიდიულ პირებს ზოგიერთ ოპერაციაზე. ერთი თვე მიეცა ინდოეთს ანგარიშსწორების შესაწყვეტად, როგორც რუსული ნავთობის უდიდეს იმპორტიორს. თუ რა ხდება საქართველოსთან დაკავშირებით, ეს პირველ რიგში უნდა აუხსნას საზოგადოებას და ბანკის კლიენტებს ეროვნულმა ბანკმა, ასევე კომერციულმა ბანკებმა და თავად “ლუკოილმა” და “როსნეფტმა”. ხალხი არის გაურკვევლობაში და მათი საქციელი უპასუხისმგებლოა.“