სოციალური ქსელის ერთ-ერთ მომხმარებელი, გიგა ჩოხელი საზოგადოებას ინტერნეტში თაღლითრი სქემის შესახებ აფრთხილებს, რომლის მეშვეობითაც, დაუდგენელი პირი თუ პიროვნებათა ჯგუფი ცდილობს ადამიანების საბანკო ანგარიშებზე წვდომის მოპოვებას. გიგა ჩოხელი მიმოწერის ამსახველ სქრინსაც აქვეყნებს.
მისივე ცნობით, თაღლითური სქემის გამოყენებით, უკვე მოპარულია 35 000 ლარი. აღნიშნული თანხა კი ე.წ კრიპტო-საფულეებში ირიცხება.
“მოკლედ, ბოლო 24 საათში სამეგობროში რამდენიმე ადამიანის Facebook და საბანკო ანგარიშებზე მოიპოვეს კონტროლი (ჯგუფი მოქმედებს თუ 1 პიროვნება არ ვიცით), თანხა კი კრიპტო-საფულეებში ირიცხება. ბოლო ინფორმაციით ჯამურად 35000 ლარია მოპარული.
როგორ მუშაობს ეს პიროვნება: მოიპოვებს წვდომას თქვენი მეგობრის ანგარიშზე და მეგობრის სახელით მოგწერთ რომ ფულის გამოტანა უნდა, ჩაგირიცხავთ და იქნებ გამოატანინოთ, მოგთხოვთ ბარათის ფოტოს, თუ მიენდეთ შემდეგ პირად ნომერსაც მოგთხოვთ და ამის შემდეგ იწყება ჯაჭვური პროცესი.
გაფრთხილდით და ასეთი თხოვნის შემთხვევაში, არ მიაწოდოთ არანაირი ინფორმაცია.
პ.ს. ასე წარიმართა ჩვენი საუბარი და შემდეგ დამბლოკა” – წერს ჩოხელი.
კომენტარები