საზოგადოებრივი მაუწყებლის ბორდის წევრი, ბონდო მძინარაშვილი, სოციალურ ქსელში, წერს:
“ბოლო 24 საათში 2911 ინფიცირებული გამოვლინდა და 45 ადამიანი გარდაიცვალა კოვიდით!
ო-პოლიტიკოსებო, მაინც და მაინც რომელიმე თქვენგანი უნდა გახვიდეთ მარილზე, რომ დანარჩენებმა ეს თავგასულობა და დაუმორჩილებლობა შეწყვიტონ?!
ვინა ხართ, კაცო, რა ჯიშის ხართ?!
ხალხო, ფრთხილად იყავით, რეგულაციები დაიცავით, თორემ საავადმყოფოები გადავსებულია და, თუ ასე გაგრძელდა, მშველელიც აღარ გვეყოლება!
ამასთან, რომ ამბობენ, ახალგაზრდები შედარებით მსუბუქად უმკლავდებიან ვირუსსო, ჯერ კიდევ ბოლომდე არ არის გარკვეული, რა გავლენას ახდენს კოვიდი რეპროდუქციულ ფუნქციაზე!
ამერიკელი, ევროპელი, ჩინელი, რუსი, იაპონელი, ებრაელი მეცნიერები უკვე მუშაობენ ამ მიმართულებით; პირველადი შედეგები აქვთ და შეჯერებულ დასკვნას მაისში გამოაქვეყნებენ, საბოლოო შედეგებზე კი მომავალი წლის დამლევს ისაუბრებენ; კომპლექსური კვლევები ტარდება. უკვე არსებული მონაცემებით, განსაკუთრებული საფრთხე ემუქრებათ ბიჭებს და მამაკაცებს!
ამ ეტაპზე დაზუსტებით მხოლოდ იმის თქმა შეიძლება, რომ განკურნებამდე ვირუსი ადამიანის ორგანიზმის დანგრევას ასწრებს – აზიანებს გულს, სისხლძარღვებს, ფილტვებს, თირკმელებს!..
ახლა შეიძლება მსუბუქად გადაიტანოთ, მაგრამ გამორიცხული არ არის, რომ გამრავლების უნარი დაკარგოთ!
ჩვენ ისედაც უმძიმესი დემოგრაფიული მდგომარეობა გვაქვს და საქართველოში ეს სრულ კატასტროფას გამოიწვევს!
კოვიდი მხოლოდ დღევანდელობის კი არა, მომავლის პრობლემაც არის!
ამიტომაც არის განგაში მსოფლიოში!
ადამიანებო, იყავით ფრთხილად!
რას უყურებთ ამ სკამზე გაგიჟებულ არამზადებს?!”
კომენტარები