მეუფე სტეფანეს, აქ არცერთი ადამიანი არ იღებს, – ამის შესახებ ჭყონდიდის ეპარქიიდან განკვეთილმა ბერმა მამა ათინოგენემ განაცხადა.
მისი თქმით, სტეფანე პოლიციითა და სპეციალურად ჩამოყვანილი ჩოხოსნებით ძალის დემონსტრირებას ახდენს.
“ყველას გილოცავთ დღევანდელ დღეს შეგეწიოთ წმინდა ანგელოზთა ლოცვა, შეეწიოს ჩვენს ქვეყანას და ყველას.
რაც შეეხება ამათ მოსვლას, კიდევ ერთხელ ვამბობ კაცი, რომელიც არის ცრუ, მატყუარა და ეპისკოპოსობის განცდით მოსული, წირვას ატარებს. მას არცერთი ადგილობრივი არ ჰყავს, თვით ადგილობრივი სამღვდელოებაც არ ამოჰყვა, არცერთი ადამიანი ამას არ იღებს აქ, “კაზაკები” რომ ჰყავს მოყვანილი. ყველა მოსული ხალხია, არ ვიცნობთ ამ ხალხს. მოსულები არიან იმისთვის, რომ თავიანთი ძალა აჩვენონ, რომ უშიშროება, მილიცია სამთავრებო განცდა მათ მხარს უჭერს და ძალას გვაჩვენებენ. ეს არ არის ქრისტიანობა და ეს არ არის მართლმადიდებლობა. მოლოდინი რა უნდა მქონდეს, კარგის არაფრის. პირველ დღეს, როდესაც “კაზაკებთან” ერთად “მილიცია” იყო შესული და გამოყარეს მონაზვნები იქიდან, იგივეს გააკეთებენ, როგორც საბჭოთა კავშირის დროს აკეთებდნენ “, – განაცხადა განკვეთილმა მამა ათინოგენემ.
ცნობისთვის, დღეს, მარტვილში, წაჩხურუს მონასტერში მეუფე სტეფანეს ადგილზე განკვეთილი ბერები პროტესტის ნიშნად შეძახილებით დახვდნენ.
კომენტარები