,, გამოდის, ბიძინა პუტინის ან ვინმეს კაცი კი არა, საკუთარი ინტერესებით მოვაჭრეა” – არჩილ გამზარდია

ანალიტიკოსი არჩილ გამზარდია:

,,თუ ჩვენ ვთანხმდებით, რომ გვაქვს ავტორიტარიზმი და ივანიშვილია ყველაფერში რაც ხდება, ის არის პასუხისმგებელი ყველა დანაშაულზე, შესაბამისად, გამოდის რომ მისი ნების გარეშე საქართველო ვერ ჩაერთვებოდა ელექტროენერგიის ტრანზიტის პროექტში და შესაბამისად, გამოდის, რომ მისი ნების გარეშე ჰააგაში ხელისუფლება არ ითანამშრომლებდა საქართველოს სასიკეთოდ.

მე მსგავს შემთხვევებს პოლიტიკის სავაჭრო პარტნიორობის შეთანხმებით ვხსნი, სადაც ხანდახან სახელმწიფოსათვის სასურველი გადაკვეთებიც ხდება.

მაგრამ ერთი რამ ცხადია, ავტორიტარიზმში მოვლენები ერთ მმართველს უკავშირდება, ნეგატიურიც და პოზიტიურიც.

შესაბამისად, გამოდის, ბიძინა პუტინის ან ვინმეს კაცი კი არა, საკუთარი ინტერესებით მოვაჭრეა – როცა აწყობს, ეს ვაჭრობა პუტინზე გადის, როცა აწყობს, ამერიკელებზე და როცა აწყობს, ევროპაზე.”