მშვიდობის დარგში ნობელის პრემიის ონლაინ ფორუმი გაიმართა, სადაც გაერო-ს გენერალური მდივანი ანტონიო გუტერეში სიტყვით გამოვიდა და ახალი ტიპის კორონავირუსის გამოწვევებზე ისაუბრა.
როგორც ანტონიო გუტერეშმა აღნიშნა მსოფლიომ თავდაპირველად არ გაითვალისწინა მსოფლიო ჯანდაცვის ორგანიზაციის მითითებები, ახლა კი ვაქცინას ყველა დაზიანების გამოსწორება არ შეუძლია.
„პანდემია სხვა კრიზისს არ ჰგავს, მსოფლიო საერთო მტრის წინაშე დგას. სამწუხაროდ, მთავრობებმა ვერ მოახდინეს ერთობლივი რეაგირება ამ გლობალურ საფრთხეზე. ჯანმრთელობის მსოფლიო ორგანიზაციამ თავიდანვე მოგვაწოდა ფაქტობრივი ინფორმაცია და სამეცნიერო მითითებები, რაც უნდა ყოფილიყო კოორდინირებული გლობალური მოქმედების საფუძველი. მაგრამ ჩვენი პასუხი ფრაგმენტული და ქაოტური იყო, ქვეყნები, რეგიონები და ქალაქებიც კი ერთმანეთს აუცილებელ მარაგებსა და სამედიცინო მუშაკებში ეცილებოდნენ. არ უნდა დავუშვათ, რომ იგივე განმეორდეს COVID-19-ის ვაქცინაზე წვდომის შემთხვევაშიც.
პანდემიის სოციალური და ეკონომიკური გავლენა ძალიან დიდი და მზარდია. არცერთ ვაქცინას არ შეუძლია უკვე მიყენებული ზიანის გამოსწორება.
უკანასკნელი რვა ათწლეულის განმავლობაში უდიდესი გლობალური რეცესიის წინაშე ვართ. უკიდურესი სიღარიბე იზრდება; შიმშილის საფრთხე იკვეთება”, – განაცხადა ანტონიო გუტერეშმა.
კომენტარები