“გახარიას პარტიის წევრები დამემუქრნენ…” – “დედა, აგი ნაცი ყოფილა” – რა მოხდა კახეთში?

მარიამ ბერიკიშვილი აცხადებს, რომ მხარდამჭერთა სიაში პარტია „საქართველოსთვის” წარმომადგენლებმა მოტყუებით შეიყვანეს. მოგვიანებით კი დაემუქრნენ, რომ თუ მათ პარტიას დატოვებდა, სოციალურ დახმარებას მოუხსნიდნენ.

მისი თქმით, გიორგი გახარია და მისი გუნდი „ნაციონალური მოძრაობის” პოლიტიკას ატარებს და მის პარტიას უნდობლობას უცხადებს.

ამბობს, რომ ნაციონალური მოძრაობის ხელისუფლების პირობებში მისი მეუღლე, ცეზარ მოსახლიშვილი ციხეში უმიზეზოდ ჩასვეს და არაადამიანურად აწამეს.

ამასთან, მრავალშვილიანი დედა აცხადებს, რომ მოატყუეს და ფიქრობდა რომ გიორგი გახარია ისევ „ქართული ოცნების“ რიგებში იყო.

ინფორმაციას “იმედინიუსი” ავრცელებს.

უცნობია, რატომ ჩათვალა მრავალშვილიანმა დედამ, რომ გახარიას პარტიის წევრებს მისთვის სოციალური დახმარების მოხსნა შეეძლოთ, მით უფრო მას შემდეგ, რაც გაიგო, რომ გახარია აღარ არის “ოცნების” გუნდის წევრი. ასევე, გაურკვეველია, გახარიას გადადგომიდან ამდენი თვის მერეც რომ არ იცოდა მისი “ოცნებიდან” წასვლის შემდეგ, დღეს ასე სწრაფად როგორ დაადგინა, რომ, იმ ცნობილი გამოთქმისა არ იყოს, “დედა, აგი ნაცი ყოფილა…”