ანალიტიკოსი, ხათუნა ლაგაზიძე:
“რამდენადაც უკრაინას სჭირდება საჰაერო თავდაცვის ფარი, იმდენად სჭირდება საქართველოს საზოგადოებას საინფორმაციო-ფსიქოლოგიური დივერსიული ომისგან დამცავი ფარი! გადაუჭარბებლად ვამბობ! თუ რამეს უნდა ვთხოვდეთ დასავლეთს, უნდა ვთხოვდეთ სპეციალისტებს/პროფესიონალებს საქართველოს საზოგადოების მედეგობის გასაზრდელად იმ ტოტალური ფსიქოლოგიურ-დივერსიული ექსპერიმენტის წინააღმდეგ, რომელსაც საქართველოს საზოგადოებაზე აწარმოებენ რუსული სპეცსამსახურები, საქართველოს ხელისუფლების მხრიდან სრული კაპიტულაციის ანუ საინფორმაციო სივრცის სრულად დათმობის პირობებში. ეს ოპერაცია მიზნად ისახავს: საქართველოს საზოგადოების სახელმწიფოებრივ ერად, პოლიტიკურ ნაციად არ შედგომას; ღირებულებების აღრევას; საერთო ღირებულებების გარშემო გაერთიანების უნარის წართმევას; ერთმანეთთან უკიდურესად აგრესიულად დაპირსპირებულ ჯგუფებად დაქსაქსვას; საზოგადოების ტოტალურ დეპრესიაში ჩაძირვას. ყველა ნიშანია იმისა, რომ ახლო მომავალში სათანადო დამცავი ფარის შემუშავების გარეშე, ამ საინფორმაციო-ფსიქოლოგიურ, განგრძობით დივერსია-ოპერაციას საქართველოს საზოგადოების ცნობიერებაზე ისეთივე დამაგრეველი ძალის ეფექტი ექნება, როგორც ბირთვულ შეტევას ადამიანების ფიზიკური განადგურების მიზნით. ამიტომ, დასავლეთთან ზეაქტიური მუშაობა ასეთი საინფორმაციო-ფსიქოლოგიური ფარის შემუშავების მიზნით, დღეს სახელმწიფო უსაფრთხოების ნომერ პირველ ამოცანად მესახება და თუ კიდევ რაიმე რესურსი შეგვრჩენია საზოგადოებას, ამისკენ უნდა მივმართოთ.”
კომენტარები