სპეციალურმა კომისიამ საქართველოს პრეზიდენტის ცესკოს თავმჯდომარეობის სამი კანდიდატურა წარუდგინა. კანდიდატებს შორისაა არასამთავრობო ორგანიზაცია 20/20-ის ხელმძღვანელი თენგიზ თევზაძეც.
კანდიდიდატებს შორისაა ასევე ცესკოს მოქმედი თავმჯდომარე გიორგი კალანდარიშვილი და ცესკო ერთ-ერთი ოლქის თავმჯდომარე თამაზ ფოლადაშვილი.
წარუდგენს, თუ არა, პრეზიდენტი პარლამენტს თენგიზ თევზაძის კანდიდატურას? ოპოზიციის თქმით, არასამთავრობო ორგანიზაციის ხელმძღვანელს, თენგიზ თევზაძეს ოპოზიციის მხარდაჭერაც ექნება.
თენგიზ თევზაძე:
“გასაგებია, რომ ჩემ გარდა საარჩევნო ადმინისტრაციის ორი ახლანდელი წევრი, ერთ შემთხვევაში – თავმჯდომარე და მეორე შემთხვევაში ოლქის თავმდჯომარე არიან წარდგენილნი, მაგრამ საქართველოს პრეზიდენტს აქვს შანსი, რეალურად, როგორც სახელმწიფოს მეთაურმა და სახელმწიფოს ერთიანობის გარანტმა, წარადგინოს შესაბამისი კანდიდატურები და მათ შორის, ვფიქრობ, რომ მე ვიმსახურებ ვიყო წარდგენილი ამ კანდიდატურაზე პარლამენტში”
თენგიზ თევზაძის თქმით, თუ პრეზიდენტი არ წარუდგენს პარლამენტს მის კანდიდატურას, ეს იმის მანიშნებელი იქნება, რომ რეალურად კანდიდატურების შერჩევა ცეკოს შიგნით მიმდინარეობს.
გადაწყვეტილების მისაღებად სალომე ზურაბიშილს 1 კვირიანი ვადა აქვს.
კომენტარები