ტარიელ ბაქრაძე, გარდაცვლილი მეგი ბაქრაძის ბიძა, ჟურნალისტებთან ამბობს:
“გამომძიებლები ჯერ არც მინახავს. აყვანილი გვყავს ადვოკატი, რომელიც დაიცავს ოჯახის ინტერესებს.
ჩვენი პოზიცია ასეთია – იქ მოხდა დაუდევრობა, პოლიტიკაში არ ჩავერევით, ჩვენ გვაიტერესებს ამ საქმის სამართლებრივი მხარე, ამ ეტაპზე. დამტკიცდეს, რა მოხდა სინამდვილეში.
გარდაცვლილის მეუღლე რომ მივიდა ახალციხის კლინიკაში, ჩემი ძმიშვილი, გოგონა იწვა, გადაფარებული ჰქონდა ზეწარი და არავინ იყო ახლოს… როგორც თავად ამბობს…
ზუსტად მე ვერ გეტყვით, მაგრამ მეუღლე ფიქრობს, რომ ახალციხიდან უკვე გარდაცვლილი წამოიყვანეს, მერე ლევან რატიანი ისე გველაპარაკა, რომ თითქოს დავიჯერეთ, რომ კომაში იყო…”
კომენტარები