გადადგომას არ ვაპირებ – ამის შესახებ სტუ-ს რექტორმა, დავით გურგენიძემ უნივერსიტეტის ადმინისტრაციული კორპუსის წინ შეკრებილ სტუდენტებს და პროფესორ-მასწავლებლებს განუცხადა.
“სტუ-სთან 14:00 საათიდან არიან შეკრებილები ახალგაზრდები და აკადემიური სფეროს წარმომადგენლები. ისი ორი უნივერისტეტის გაერთიანების შესახებ “ოცნების” გადაწყვეტილებას აპროტესტებენ. მათთან რექტორი ცოტა ხნის წინ გამოვიდა.
დავით გურგენიძემ ადგილზე შეკრებილებს უთხრა, რომ “რა გადაწყვეტილებაც არ უნდა იყოს მიღებული, ის მათთან ერთად იქნება”.
სტუ-ს რექტორმა ასევე დააანონსა, რომ ორშაბათს ან სამშაბათს აკადემიურ საბჭოს სხდომა გაიმართება, სადაც აღნიშნულ საკითხზე იმსჯელებენ.
” ამის პოლიტიკისკენ წაყვანის უფლებას არავის მივცემთ. აქ ადამიანების დათვლის უფლება არ აქვს. პროფესორები თავებით არ ითვლებიან. მე არსად გადადგომას არ ვაპირებ. სანამ მაქვს ეს უფლება სახელმწიფოსგან, ვარ თქვენი არჩეული და ლეგიტიმაცია მაქვს, თქვენთან ერთად ვარ, როგორი გადაწყვეტილებაც არ უნდა იყოს მიღებული. ამიტომ თითოეული სტუდენტის და ლექტორის აზრი მაინტერესებს, ამიტომ ვიმსჯელოთ.
თქვენთან შეთანხმებით ორშაბათს ან სამშაბათს აკადემიურ საბჭოს შევკრიბავ და იქნება ღია შეხვედრა და იქნება მსჯელობა. ვაცნობებ განათლების მინისტრს, ის საქართველოში არ არის, თუმცა მასთან კონტაქტი მაქვს.”, – თქვა რექტორმა.
კომენტარები