სამხრეთ აფრიკაში გაბონის ტერიტორიულ წყლებში ღუზაზე მდგომი გემიდან სამი მეზღვაური, მათ შორის ორი საქართველოს მოქალაქე გაიტაცეს. ინფორმაციას საზღვაო ტრანსპორტის სააგენტო ავრცელებს.
უწყების ცნობით, საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტო, საგარეო საქმეთა სამინისტროსთან ერთად აქტიურად მუშაობს, მათ შორის საკრუინგო და გემთმფლობელ კომპანიებთან მეზღვაურების ტყვეობიდან გამოსახსნელად.
სააგენტოს წარმომადგენლები უკვე დაუკავშირდნენ ოჯახის წევრებს და მიაწოდეს დეტალური ინფორმაცია.
უწყება ასევე აღნიშნავს, რომ გემზე დარჩენილ მეზღვაურებს საფრთხე არ ემუქრებათ.
ქართველი მეზღვაურების უსაფრთხოებიდან გამომდინარე, მოგიწოდებთ თავი შეიკავოთ დეტალებისა და რამე სახის მაიდენტიფიცირებელი ინფორმაციის საინფორმაციო საშუალებებით გავრცელებისგან- აცხადებს საზღვაო ტრანსპორტის სააგენტო
„მთავარი არხი“
კომენტარები