მინდია გორაძის და ამბობს, რომ თებერვალში ლავასოღლის გათავისუფლებას არ ელოდება. ირინა გორაძის თქმით, ის არ ფლობს ინფორმაციას, როდის შეიძლება გამოუშვას თურქულმა მხარემ მინდია გორაძე ციხიდან. ამის შესახებ ის „აჭარის ტელევიზიასთან“ საუბრობს.
მისი თქმით, გაუგებარია რატომ გაავრცელა თურქულმა მხარემ ასეთი ინფორმაცია.
„საგარეო საქმეთა სამინისტროს ურთიერთომალარაკებებში არ ვერევი. თურქეთში მინდიას გამო ვიმყოფები, მას ყოველ 30 დღეში სასამართლო პროცესი უტარდება. ბრალი წაყენებული არ აქვს, მოლაპარაკებას თუ აწარმოებენ და რამეს მოიმოქმედებენ ჩვენ აგერ ვართ. გამოძიებას არ ვემალებით არც საქართველოში და არც თურქეთში, მაგრამ ეს ბოლო გათავისუფლების ვადა არაა. რატომ გაავრცელა ეს თურქეთმა ჯერ ჩემთვის დაუდგენელია. დავადგენ აუცილებლათ და გავცემ ყველაფერს პასუხს. მე არ ვიცი როდის გათავისუფლდება. კანონმდებლობით გათავისუფლების ვადა სამჯერ ამოეწურათ, მაგრამ არ გაათავისუფლეს. არა მაქვს არანაირი მოლოდინი არც ამჯერად“,- განაცხად ირინა გორაძემ.
მისივე თქმით, საქართველოში მინდიას ბრალი პოლიციელის მკვლელობაში არ აქვს.
„ვთხოვე საქართველოს ექსტრადირება და ველოდები პასუხს, ჩამოვედი და საკონსულოსაც ვთხოვე. არც თურქული და არც ქართული მხარე პასუხს არ მაძლევს. ანონიმური ზარის თანახმად ყავთ შეჩერებული, მეტი არაფერი არ ხდება აქ. საქართველოში მინდიას ბრალი პოლიციელის მკვლელობაში არ აქვს და არცერმა მედიამ არ გაავრცელოს ასე- განაცხადა ირინა გორაძემ.
როგროც თურქული მედია წერს, ქართველ კრიმინალურ „ავტორიტეტს“ მინდია გორაძესპატიმრობის ვადა თებერვალში ეწურება. მათივე თქმით, „ლავასოღლი“ საკუთარ ქვეყანაში „არასასურველი“ პირია.
ლევან გორაძე იგივე „ლავასოღლი“ 15 თვეა რაც ციხეშია. კრიმინალური „ავტორიტეტი“ ინტერპოლითაც იძებნებოდა. ის თურქეთში 2018 წლის 25 ოქტომბერს, ქალაქ ტრაბზონში საქართველოს საზღვრიდან 430 კილომეტრში დააკავეს. დაკავებისას გორაძეს იარაღი ჰქონდა და ავტომობილში საბრძოლო მასალების სამალავი აღმოაჩინეს.
კომენტარები