აშშ-ის გამოძიების ფედერალურმა ბიურომ (FBI) ტრამპზე თავდამსხმელის თომას მეთიუ კრუკსის ტელეფონზე წვდომა მოიპოვა და გამოძიების ფარგლებში 100-მდე ადამიანი დაკითხა. ინფორმაციას ამის შესახებ ამერიკული ტელეარხი CNN-ი FBI-ზე დაყრდნობით ავრცელებს.
როგორც CNN აღნიშნავს, დაკითხულთა შორის სამართალდამცავი ორგანოების წარმომადგენლები და მომხდარის თვითმხილველები არიან. FBI ასევე იკვლევს კრუკსის ელექტრონულ მოწყობილობებს. გამომძიებლებმა გაჩხრიკეს მისი სახლი და ავტომობილი.
აღნიშნული საგამოძიებო მოქმედებები წინასწარი გამოძიების ფარგლებში ჩატარდა, რომელიც აშშ-ის პრეზიდენტობის კანდიდატზე რესპუბლიკური პარტიიდან დონალდ ტრამპზე შაბათს განხორციელებულ შეიარაღებულ თავდასხმას იძიებს. საქმეს შესაძლოა შიდა ტერორიზმის კვალიფიკაცია მიენიჭოს.
კომენტარები