ბრაზილიის ეროვნულმა სამმართველომ ამერიკული კომპანია Meta, რომელიც სოციალურ ქსელებს Instagram-სა, Facebook-სა და Whatsapp-ს ფლობს, “ცუდი სერვისის მიწოდებისთვის” 1,9 მილიონი აშშ დოლარით დააჯარიმა.
დეპარტამენტში განმარტავენ, რომ 4 ოქტომბერს აპლიკაციები მიუწვდომელი იყო დაახლოებით ექვსი საათის განმავლობაში, რითაც 91 000-ზე მეტი Facebook მომხმარებელი დაზარალდა.
“მიუხედავად იმისა, რომ სერვისზე გადასახადი არ არის, კომპანია მომხმარებლებისგან ფულს შოულობს, რაც იმას ნიშნავს, რომ სამომხმარებლო ურთიერთობა არსებობს“, – განმარტა დეპარტამენტის უფროსმა, ფერნანდო კეიპსმა.
გარდა ამისა, დეპარტამენტმა Meta-ს მხრიდან მომხმარებელთან დადებულ ხელშეკრულებაში არაერთი დარღვევა აღმოაჩინა. კერძოდ, ისეთი ცვლილებები, როგორიცაა კომპანიის მიერ მომხმარებლის სახელის უნებართვოდ შეცვლა, ფუნქციონირების შეცვლა ან სერვისებზე წვდომის შეწყვეტა, ასევე უფლება დაბლოკოს და წაშალოს კონტენტი.
კომენტარები