“ევროპარლამენტში ხედავენ, რომ შავი და თეთრია მხოლოდ ასარჩევი საქართველოში” – ნიკა მელია

ენმ-ს თავმჯდომარე ნიკა მელია, რომელიც ბრიუსელში იმყოფებოდა და შეხვედრებს მართავდა ევროპარლამენტში,  სალომე ზურაბიშვილის მიერ, “მთვარი არხის” გენერალური დირექტორის არშეწყალებაზე საუბრობს და ამბობს:

“ვატყობ, რომ გაუგებარი ხდება რაც უფრო დრო გადის, აქ ძალიან ბევრისთვის, თუ რატომ არ იყენებს ამ კონსტიტუციურ უფლებას ქალბატონი ზურაბიშვილი.

თუ წინა ვიზიტებისას, ისინი ჩვენშიც [ოპოზიციაში] ხედავდნენ რესურსს, რომ დეპოლარიზაციას ოპოზიციური წარმომადგენლობა ხელს შეუწყობდა, აქ ისინი ხედავდნენ ასევე პრობლემას, დღეს ეს საკითხი თავიდან ბოლომდე მათი დღის წესრიგიდან არის გამქრალი. ვინაიდან, ყველაფერი ყველასთვის გახდა ორ ფერში მოცემული – შავი და თეთრია საქართველოში ასარჩევი, ისინი ხვდებიან და ესმით და თვალყურს ადევნებენ ქართული ოცნების პოზიციებს, რომლებიც მთელ ქართულ დემოკრატიულ ოპოზიციას აშშ-სა და ევროკავშირის ჯაშუშებად აცხადებენ.”