ევროკავშირის საელჩოს წერილი ზვიად ცეცხლაძეს

სინდისის პატიმარმა, ზვიად ცეცხლაძემ გლდანის ციხეში ევროკავშირის ელჩის ოფისიდან წერილი მიიღო.

წერილში, რომელსაც “დაფიონი” აქვეყნებს, წერია, რომ ევროკავშირის დელეგაცია, პარტნიორ საელჩოებთან ერთად, ყურადღებით აკვირდება მიმდინარე პროტესტებთან დაკავშირებულ სასამართლო პროცესებს  და ღრმად შეშფოთებულია საქართველოში დემოკრატიული უკუსვლის გამო – “მათ შორის მართლმსაჯულების სისტემის გამოყენებით, როგორც რეპრესიების იარაღით დამოუკიდებელი ხმების წინააღმდეგ”.

ევროკავშირი კიდევ ერთხელ მოუწოდებს “ოცნებას”, გაათავისუფლოს უსამართლოდ დაკავებულები და უზრუნველყოს სამართლიანი სასამართლოს უფლება.

“ძვირფასო ბატონო ცეცხლაძე,
გმადლობთ თქვენი წერილისთვის, რომელიც გამოგვიგზავნეთ.
ევროკავშირის დელეგაცია, პარტნიორ საელჩოებთან ერთად, ყურადღებით აკვირდება მიმდინარე პროტესტებთან დაკავშირებულ სასამართლო პროცესებს. როგორც ევროკავშირის უმაღლესი წარმომადგენლის სპიკერმა განაცხადა, ევროკავშირი ღრმად შეშფოთებულია საქართველოში დემოკრატიული უკუსვლის გამო, მათ შორის მართლმსაჯულების სისტემის გამოყენებით, როგორც რეპრესიების იარაღით დამოუკიდებელი ხმების წინააღმდეგ.
ჩვენ მოვუწოდებთ საქართველოს ხელისუფლებას, გაათავისუფლოს უსამართლოდ დაკავებულები და უზრუნველყოს სამართლიანი სასამართლოს უფლება, როგორც სამართლიანობის ფუნდამენტური პრინციპი და დემოკრატიული მმართველობის ერთ-ერთი მთავარი საყრდენი.
გმადლობთ ასევე, რომ გაგვიზიარეთ თქვენი შეშფოთება ევროკავშირსა და საქართველოს შორის უვიზო მიმოსვლასთან დაკავშირებით, რომელიც ჩვენი ურთიერთობების ერთ-ერთი მნიშვნელოვანი და ხელშესახები მიღწევაა. ბოლო ანგარიშში მოცემული ვიზის შეჩერების მექანიზმის რეკომენდაციებთან შესაბამისობა შეფასდება ევროპის კომისიის მომდევნო ანგარიშში, რომელიც გამოქვეყნდება წლის ბოლომდე”, – წერია წერილში. 

ორიგინალი ვერსია: 

Mr Zviad Tsetskhladze
Address: Penitentiary Centre N8
7th Microdistrict, Gldani Massif
“Dear Mr. Tsetskhladze,
Thank you for your letter to the Delegation of the European Union to Georgia.
The EU Delegation, alongside other partner embassies has been closely monitoring the trials related to the ongoing protests . As stated by the HRVP spokesperson, the European Union is deeply concerned about the democratic backsliding in Georgia, including the instrumentalisation of the justice system as a tool of repression against independent voices. We call on Georgian authorities to release those unjustly detained and ensure the right to a fair trial , as a fundamental principle of justice and a key pillar of democratic governance
Thank you also for sharing your concerns regarding the visa-free travel between the EU and Georgia, a key tangible benefit of EU-Georgia relations. The compliance with the recommendations of the last visa suspension mechanism report will be assessed in the upcoming European Commission report before the end of the year”.