ვროკავშირი ჩინეთს კორონავირუსთან საბრძოლველად 12 ტონა დამცავ აღჭურვილობას გაუგზავნის. ამ ინფორმაციას Reuters ავრცელებს. გამოცემის ცნობით, ჩინეთში დამცავი აღჭურვილობის დეფიციტია, რის გამოც ევროკავშირი ქვეყანას 12 ტონა კორონავირუსთან საბრძოლველ დამცავ აღჭურვილობას რამდენიმე დღეში გაუგზავნის.
ამასთანავე, ცნობილი გახდა, რომ ჩინეთის ხელისუფლებამ ევროკავშირს მედიკამენტების გამოყოფის თხოვნით მიმართა. ამასთან დაკავშირებით ჩინეთის სახელმწიფო საბჭოს თავმჯდომარე ლი კეციანი ევროკომისიის პრეზიდენტს, ურსულა ფონ დერ ლაიენს ტელეფონით ესაუბრა. ლაიენმა განაცხადა, რომ ევროკავშირი ჩინეთს აუცილებლად დაეხმარება.
კომენტარები