“ესაა ოპოზიცია დღეს??? ბევრისთვის მიგიღწევიათ! საღოლ” – რა ფოტოს ავრცელებს თეა თუთბერიძე

“კმარას” თანადამფუძნებელი თეა თუთბერიძე, აქვეყნებს ოპოზიციის აშშ–ს კონგრესთან შეხვედრის ფოტოს და წერს:

“მე უკაცრავად კი ვარ მაგრამ აი ეს ხოშტარიას გვერდით რომ დგას (გვარს ვერ ვიხსენებ) ქოცების პროკურატურის წარმომადგენელი არ იყო რომ გამოდიოდახოლმე და @ლეობებს კითხულობდა ე.წ. ბრალდებების შესახებ ყოფილი ხელისუფლების მაღალჩინოსნებზე?? ესაა ოპოზიცია დღეს??? ბევრისთვის მიგიღწევიათ! საღოლ”

ცნობისთვის, ამერიკის შეერთებული შტატების დელეგაცია თბილისში ქართული ოპოზიციის ლიდერებს შეხვდა.

შეხვედრის დასრულების შემდეგ კონგრესმენ დევიდ სისილინიმ განაცხადა:

„ძალიან პროდუქტიული შეხვედრა გვქონდა. როგორც იცით, ოპოზიციის ლიდერებს სერიოზულად აწუხებთ სასამართლოსა და დემოკრატიული ინსტიტუტების განვითარების საკითხი. ეს არის ჩვენი ქართველ ხალხთან თანამშრომლობის ძირითადი ნაწილი და მნიშვნელოვანია, რომ ეს საქმე გაგრძელდეს, რათა დემოკრატიული ინსტიტუტები გაძლიერდეს და ზოგიერთი რეფორმა, რომელსაც ისინი განიხილავენ, იყოს გათვალისწინებული. მოუთმენლად ველით საქართველოსთან მიმდინარე თანამშრომლობის გაგრძელებას დემოკრატიული ინსტიტუტების გასაძლიერებლად, ჩვენ მზად ვართ გავაგრძელოთ თანამშრომლობა ამ მიმართულებით.”