სოციალური ქსელის მომხმარებელი სოფო დავითური სოციალურ ქსელში წერს:
“მინდა გაგიზიაროთ ჩემი ოჯახის გამოცდილება Covid-19-თან დაკავშირებით. კვირას, 1 აგვისტოს, მამაჩემს დაუდასტურდა კოვიდი. მამა სინოფარმითაა სრულად (ორჯერ) აცრილი. მას ჰქონდა მხოლოდ სურდოს სიმპტომები, სიცხეც კი არ მიუცია. ახლა სისხლის რამდენიმე ანალიზიც აიღო და ყველაფერი წესრიგში აქვს.რაც ყველაზე მთავარია, ოჯახის არცერთ წევრს (!) მისგან კოვიდი არ გადაგვედო. მიუხედავად იმისა, რომ ერთ სახლში ვცხოვრობთ და ერთ სივრცეში ვტრიალებდით მამაჩემის სიმპტომების გამოვლენიდან (ხუთშაბათი) ტესტის პასუხის მიღებამდე (კვირა). აქ, რასაკვირველია, გასათვალისწინებელია ისიც, რომ ხუთშაბათიდან შაბათის ჩათვლით სახლში დავდიოდით პირბადით და დისტანციას ვიცავდით. სხვა ოთახში ეძინა დედაჩემსაც. თუმცა შაბათს მამას პისიარის უარყოფითი პასუხი მოვიდა და მოვიხსენით პიბადეები კვირამდე, როცა მამამ მეორედ გაიკეთა პისიარი ახალი სიმპტომების გაჩენის გამო (ყნოსვა და გემო დაკარგა) და დადებითი პასუხი მოუვიდა, ხოლო ორშაბათიდან ის სხვა სახლში გადავიდა.საბოლოო ჯამში, არ გადაედო დედაჩემსაც, რომელიც ორჯერაა აცრილი სინოფარმით, თუმცა რისკ ჯგუფია გარკვეული მიზეზების გამო; არც მოხუც ბებიას, რომელიც ორჯერაა აცრილი ასტრაზენეკათი და არც მე (მეც სრულად ვარ აცრილი მოდერნათი). გუშინ გავიტესტეთ საბოლოოდ მე და ბებო, გუშინწინ დედა და დღეს დარწმუნებით შემიძლია ვთქვა, რომ არავის არაფერი გადაგვდებია. აი, ასე იცავს ვაქცინა (ყველა სახის, ყველა წარმოების) და თავის დაცვის სხვა მეთოდები (პირბადე და სოციალური დისტანცირება) მასთან კომბინაციაში, რასაკვირველია.ესაა ერთი პრაქტიკული მაგალითი რეალური ცხოვრებიდან, თუ როგორ იცავს ვაქცინა. ვიფიქრე, იქნებ ვინმეს სჭირდებოდეს-მეთქი ასეთი მაგალითების ცოდნა, რათა უფრო თამამად ჩაიტაროს აცრა. გთხოვთ, აიცერით, გადარჩენის და კოვიდის გართულებებისთვის დამახასიათებელი ტანჯვის თავიდან აცილების ერთადერთი მუშა გზა ესაა” – წერს სოფო დავითური.
კომენტარები