“ეს ვერ მოხდება ივანიშვილის ფრაზების გადამღერებით”– ბოკერია ხაზარაძის განცხადებაზე

„ევროპული საქართველოს“ ლიდერი, გიგა ბოკერია პარტია „ლელოს“ თავმჯდომარის, მამუკა ხაზარაძის ფეისბუქ პოსტს გამოეხმაურა, სადაც ის აღნიშნავს, რომ „შუა უნდა შეიკრიბოს“ და თქვა:

ყველა პროდასავლურ ძალას პირველ რიგში, სათითაოდ გაძლიერება სჭირდება, რადგან შესაკრებთა გადანაცვლებით ჯამი არ იცვლება და პროდასავლურ პარტიებს ჯამი გასაზრდელი აქვთ.

ეს რეჟიმი შეიცვლება მხოლოდ შინაარსზე ფოკუსირებითა და მოქალაქეებთან პირდაპირი კონტაქტით, რასაც „ევროპული საქართველო“ აკეთებს. ეს ვერ მოხდება ივანიშვილის ფრაზების გადამღერებითა და მუდმივად იმაზე სპეკულირებით, თუ ვინ ვისთან გაერთიანდება“.