“ეს სიგნალია რუსეთისათვის, რომ ნატოს ფოკუსი მთლიანად აღმოსავლეთისაკენ გადადის” – კობერიძე

საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე: 

რუმინეთში, კონსტანცასთან, შავი ზღვის მომიჯნავედ დაიწყო ნატოს ერთ-ერთი ყველაზე დიდი სამხედრო ბაზის მშენებლობა ევროპაში. ბაზა 30 კილომეტრის სივრცეს მოიცავს, ექნება თავისი ასაფრენი ბილიკი, სამხედრო ტექნიკური საწარმო, საავადმყოფო და 10 ათას სამხედროზე გათვლილი ყაზარმები. ბაზიდან ეფექტურად განხორციელდება აღმოსავლეთ ევროპის ტერიტორიის დაფარვა.

იმ ფონზე რომ კონვენციური არმიის ზომის შესახებ არსებული 1990 წლის შეთანხმება (Treaty on Conventional Armed Forces in Europe – CFE) ფაქტობრივად ანულირებულია, ახლა აღმოსავლეთ ევროპის ფლანგის გაძლიერება ყველაზე მნიშვნელოვანი სიგნალია რუსეთისათვის, რომ ნატოს ფოკუსი მთლიანად აღმოსავლეთისაკენ გადადის.

შავი ზღვის რეგიონში ნატოს გაძლიერება საქართველოს ინტერესებში შედის.