“ეს რუსული ჩექმის ტალახი” – ჩერგოლეიშვილი კობახიძეს პასუხობს

ფედერალისტების ერთ-ერთი ლიდერი, თამარ ჩერგოლეიშვილი, კობახიძის განცხადებას ეხმაურება:

ავტოკრატიული რეჟიმები იშლებიან ჯერ თანდათან, შემდეგ ერთბაშად.

ჩამოშლის ნიშანია რომ რუსულ არმიას და როდიონოვს ადარებს პროდასავლელ, ანუ პროქართველ ქართველებს და ამაზე მოთქვამს ეს რუსული ჩექმის ტალახი.

ერთი მიწოლა – ქართველების კოლექტიური გონის კიდევ ერთი ამოფრქვევა და ერთბაშად ჩამოიშლება როდიონოვის მემკვიდრე რუსული რეჟიმი.

ცნობისთვის, კობახიძემ თქვა:

9 აპრილი არის დღე, როდესაც უცხოურმა ძალამ განახორციელა ძალადობა ჩვენი თანამოქალაქეების წინააღმდეგ… დღესაც უცხოური ძალა ძალადობს რუსთაველზე.