პოლიტიკოსი, ირინა სარიშვილი:
იმედი მქონდა რომ აგვივლიდა გვერდს ეს რაღაც ახალი ძალიან უცნაური ვირუსი, მაგრამ სამწუხაროდ სამივე პატარას ერთად ეტაკა – ჯერ სანდროს, მეორე დღეს ბარბარეს და მარიამს.
მაღალი სიცხე და ყელი, არა ხველა, არა სურდო. სრული უმადობა, სითხეს სვამენ, ელექტროლიტებს.ჭამით არაფერს არ ჭამენ.
…
ისე ცუდად ვარ არაფრის თავი არ მაქვს, არც გინების, მაგრამ ცოტა უკეთესად რომ გავხდები აუცილებლად მოგიკითხავთ ყველას ვისაც გეხებათ წამლების, მათ შორის საბავშვო, ფასების გამო!
…
გუშინ საღამოს ბარბარე დაბალი სატურაციით და ორმხრივი მძიმე პნევმონიით დააწვინეს რეანიმაციაში. შეიძლება საჭირო გამხდარიყო ინტუბაცია, რისიც ძალიან მეშინოდა. მოკლედ – მაგრად იყოჩაღეს ექიმებმა და ბაბალემაც რა თქმა უნდა და ინტუბაციას გადავრჩით. ბარბარე რჩება რეანიმაციაში ორმხრივი მძიმე პნევმონიით, რასაც ვირუსით გამოწვეული გართულებებიც დაერთო, მაგრამ მდგომარეობა კონტროლს ექვემდებარება და უკეთესობის ტენდენცია არის.
სანდრო და მარო დღეს ნახა ექიმმა, მათ პრაქტიკულად დაძლიეს ვირუსი და სავარუდოდ კვირის ბოლოდან ჩვეულ რიტმს დაუბრუნდებიან.
მე ისევ ცუდად ვარ (საბაც და ირაკლიც), ტამიფლუს დალევა დავიწყე და ვნახოთ რა შედეგი ექნება. ლაპარაკი მიჭირს.
ლუკა ბაბალესთან წავიდა სანახავად,ერთადერთი ჯანმრთელი გადაგვირჩა ოჯახში და გვივლის ყველას როგორც შეუძლია.
მოკლედ ეგეთი მდგომარეობაა ამ წუთისთვის. უღრმესი მადლობა ყველას ყურადღებისთვის და ჯანმრთელობა ყველას!
…
ისევ ამიწია სიცხემ 40-მდე, რაც იმას ნიშნავს რომ ბაბალეს სანახავად ისევ ვერ წავალ. მოკლედ არ ვიცი რამდენი ხნით მაგრამ რაღაც პერიოდი სკაიპის თუ მესინჯერის დედა ვიქნები ბაბალესთვის და ეს რა საშინელება ყოფილა საკუთარ თავზე ვნახე დღეს.
დიდება მოთმინებასა თქვენსა შვილებს მოწყვეტილო დედებო!
კომენტარები