„ბოლო–ბოლო, “ნაციონალური მოძრაობა” ისევ დიდი ჰესების მომხრეა თუ მოწინააღმდეგე ?!“- ასე ეხმაურება „ლეიბორისტული პარტიის“ საკრებულოს თავმჯდომარეობის კანდიდატი ლაშა ჩხარტიშვილი „ნაციონალური მოძრაობის“ წევრის რომან გოცირიძის ფეისბუქ პოსტს, სადაც გოცირიძე ნამახვანჰესის მშენებლობის მოწინააღმდეგეებს ქვეყნის უნებლიე მტრებად მიიჩნევს.
„სააკაშვილმა, შევიცვალე პოზიციაო… და ეს კაცი, კბილებით იცავს ბიტკოინური ჰესომანიით ქვეყნის ტოტალური დატბორვა–აოხრების გეგმას!
ერთი კი ვიცი, რომ ჩვენი – “ლეიბორისტების” გარდა, დიდი ჰესების აკრძალვის კონკრეტული საარჩევნო დაპირება დღემდე არავის ჰქონია თუ არ ჩავთვლით 2012 წლის “ქართულ ოცნებას,”რომლის პროგრამითაც ზუსტად ეს იყო დაპირებული.
კარგად მახსოვს, როგორც მისი გარემოს დაცვის თავის ძირითად ავტორს და სწორედ ამ უმნიშვნელოვანესი დაპირების გატეხვის გამო ვუთხარი უარი, უკვე მეორე ხელისუფლებას გარემოს დაცვის მინისტრის მოადგილეობაზე და დავტოვე აღნიშნული კოალიცია,“- წერს ლაშა ჩხარტიშვილი.
„გიხაროდენ!
ნამახვანჰესის ინვესტორი გაიქცა. ყველა, ვინც ამას შეუწყო ხელი, არის ან უნებლიე მტერი, ან ვარლამი!“- ნათქვამია რომან გოცირიძის ფეისბუქ პოსტში.
ცნობისათვის, კომპანია ENKA-მ საქართველოს სახელმწიფოსთან არსებული ხელშეკრულების შეწყვეტის შესახებ განცხადა. ხელშეკრულების შეწყვეტის მიზეზად მასში გათვალისწინებული პირობების დარღვევა და ფორს-მაჟორი დასახელდა.
კომენტარები