საქართველოს პირველი პრეზიდენტის ვაჟი კონსტანტინე გამსახურდია სოციალურ ქსელში წერს:
„ერთ-ერთი ფრენდი წერს 1993 წლის ამბებზე. რასაც აღწერს, უფრო სწორად, იხსენებს, ეს ისეთი მარაზმია, რომელიც კაცობრიობის ისტორიაში იშვიათია შუმერიდან და მოჰენჯო-დაროდან დღემდე, შესაძლოა უნიკალურიც:
სოხუმის დაცემის-ჩაბარების შემდგომ, თბილისში ჩამოსულ შევარდნაძეს, შევარდნაძის ნასუფრალიდან ნაკვები, პუტჩისტთა მხარდამჭერი, არალეგიტიმური, ე.წ. პარლამენტის დეპუტატები, ოღონდ გამსახურდია კვლავ არ დაბრუნებულიყო, როგორმე ხელისუფლებაში და შევარდნაძე არ გადამდგარიყო, ამიტომაც მისი გამხნევების მიზნით, რენეგატ ედუარდ შევარდნაძეს, პუტჩისტთა არალეგიტიმურ ე.წ. პარლამენტში, ფეხზე ამდგარი, ტაშის გრიალითა და მქუხარე ოვაციებით შეხვდნენ. ამით მას მორალური მხარდაჭერა გამოუცხადეს, სოხუმის დაცემის გამო. ასეთი მარაზმი, ალბათ სხვაგან როდესმე, არსად არ მომხდარა, ეს მხოლოდ, ადამიანთა გვამებით მოფენილ გზაზე და უამრავი ადამიანის მსხვერპლის შედეგად, მოპოვებული უკანონო ძალაუფლების მქონე, საქართველოს 1992-95წწ. პუტჩისტურ და ამორალურ პარლამენტში ყოფილა შესაძლებელი. თითქოს, მსოფლიო დონის, ვითომ ე. წ. დიდი პოლიტიკოსის წყალობით არ დაკარგულიყო, ჯერ გაგრის მხარე, შემდგომ კი სოხუმი და მთლიანად აფხაზეთი.“
კომენტარები