ანი დვალიშვილი
კიდევ ერთი, არანაკლებ საინტერესო ფაქტი. ახალი წლის მოახლოებასთან ერთად, ყველა მუნიციპალიტეტში საზეიმო ღონისძიება უნდა გაიმართოს. ხელისუფლება ამ ყველაფრის გაკონტროლებას ცდილობს, ანუ სცენაზე არ უნდა ავიდნენ ის მომღერლები, რომლებიც „ოპოზიციას უმღერიან“. ამიტომ, თავიდან გადაწყდა, რომ აბსოლუტურად ყველა მუნიციპალიტეტს შეთანხმება პარტიულ ხაზთან გაევლო და ისე შეერჩია მომღერლები, თუმცა ამან დიდი დრო, ადამიანური რესურსი წაიღო და რაც მთავარია, გაირკვა, რომ ბევრ მუნიციპალიტეტში, წარმოდგენაც კი არ აქვთ, ვინ ვის მხარესაა შოუ-ბიზნესის სფეროში. ამიტომ…
„აბსოლუტურად ყველა მუნიციპალიტეტში, საახალწლო კონცერტებს ხელისუფლება გამართავს და სახელმწიფო ბიუჯეტი დააფინანსებს. ამ ყველაფერს ერთგვარი ტურნე დაერქმევა, მაგრამ რეალურად, ეს იქნება მკაცრად გაკონტროლებული კონცერტი, სადაც მომღერლები ხელისუფლებას არაპირდაპირ ხოტბას შეასხამენ და.. „ჩემი საქართველო აქ არის“ იმღერებენ“, – გვეუბნება ჩვენი წყარო.
ადრე დავწერეთ, რომ ხელისუფლება წინასაარჩევნო მარათნს უკვე მომავალი წლიდან იწყებს და გაზაფხულზე უკვე შტაბებიც გაიხსნება, რათა ერთი წლის თავზე, არჩევნებისთვის ყველაფერი მზად იყოს. ჰოდა, აგერ, სწორედ წინასაარჩევნოდ, ამ კონცერტებსაც გამოიყენებენ და მომღერლებსაც იმ ნოტებზე ამღერებენ, როგორებიც თავად სურთ. რა დაუჯდება ეს ბიუჯეტს ქვეყნის მასშტაბით და რამდენის გადახდა გვიწევს ჩვენ, ახლა ზუსტად ვერ გეტყვით, მაგრამ თანხა რამდენიმე მილიონი რომ იქნება, ადვილი მისახვედრია. ზოგადად, საახალწლო ღინისძიებებზე, თავის განათებებით და ცეკვა-თამაშით, ასეულობით მილიონს ვხარჯავთ და ეს ფული… თუნდაც სოციალური მიმართლებით რომ დავხარჯოთ და იმ 100 მილიონად, დაახლოებით 2 ათას უბინაო ოჯახს რომ ბინა ვუყიდოთ, ეგებ რამდენიმე წელიწადში, პრობლემა მოიხსნას და ღამე ადამიანები ქუჩაში არ გაიყინონ. თუ ბინებს არ იყიდიან, მაშინ ერთი, დიდი თავშესაფარი ავაშენოთ რომელიმე რეგიონში, სადაც ადამიანები ადამიანურ პირობებში იცხოვრებენ, მაგრამ არა – ეს თავშესაფარი წინასაარჩევნოდ არ გამოდგება, აი სცენიდან „ოცნების“ მხარდაჭერა კი…
კომენტარები