დიაბეტიან ბავშვთა დაცვის ასოციაციას პრეზიდენტი, კობა ამირხანაშვილი ავრცელებს განცხადებას:
„დიაბეტიანი ბავშვების მშობლების საყურადღებოდ!!!!!
იმ შემთხვევაში, თუ ბავშვს დაუდგინდა კოვიდ 19, აუცილებლად უნდა მოხდეს მისი გადაყვანა კოვიდკლინიკაში და არავითარ შემთხვევაში ე.წ.კოვიდ- სასტუმროში.
კლინიკაში გადაყვანის პრობლემის შემთხვევაში პირადად დამიკავშირდით ტელ.: 577 42 00 62 . 12.00-24.00 საათამდე.
პატ.კობა ამირხანაშვილი. გთხოვთ, ერთმანეთს გაუზიაროთ ეს ინფორმაცია რომ ყველამ ნახოს.
P.S. ეს კლინიკა მხოლოდ 18 წლამდე დიაბეტიან ბავშვებს ემსახურება.“
“ალია” დაუკავშირდა ბატონ კობას დეტალების გასარკვევად:
-დიაბეტიანი პაციენტი, რომელსაც აქვს სიმპტომები კორონავირუსის და აქვს პნევმონია, აუცილებლად უნდა იყოს გადაყვანილი კლინიკაში.
-გარდაიცვალა 24 წლის გოგო და კლინიკაში ამბობენ, რომ მას ჰქონდა დიაბეტი ისე, რომ არ იცოდა და ამან დაამძიმა მდგომარეობა. ბევრ ადამიანს შეიძლება ჰქონდეს დიაბეტი ისე, რომ არ იცოდეს?
-დიაბეტის ტიპს გააჩნია, მარტივად რომ აგიხსათ, ვისაც უკვე ინსულინი სჭირდება, გამორიცხულია არ იცოდეს, მაგრამ ვისაც აქვს ინსულინი ორგანიზმში და არ ხდება მისი ათვისება, (ჭარბი წონა, მემკვიდრეობითი ფაქტორი) მათ შეიძლება არ იცოდნენ ისე მიდიოდეს წლობით დაავადება. ყოფილა შემთხვევა პაციენტი გადაუყვანიათ კლინიკაში ინფარქტით, ინსულტით, ფეხებზე გართულებებით და აღმოჩენილა, რომ შორს წასული დიაბეტი ჰქონდა და არ იცოდა. რაც შეეხება ამ ბავშვს, (24 წლის გარდაცვლილს), გეტყვით, რომ თუ მაღალი გლიკემიის ნიშანი იყო და გაუკეთეს სტეროიდები, ეს ნამდვილად გამოიწვევდა გართულებას და თუ რამე გამეგება, ჩემი აზრით, მას არ უნდა ჰქონოდა ტიპური დიაბეტი.
-წერთ, ეს კლინიკა მხოლოდ 18 წლამდე დიაბეტიან ბავშვებს ემსახურებაო და რომელ კლინიკას გულისხმობთ?
-მთავრობის გადაწყვეტილებით, უკვე მეორე დღეა ციციშვილის ბავშვთა ახალი კლინიკა გადაკეთდა კოვიდცენტრად და იღებს კოვიდით ინფიცირებულ ბავშვებს და მათ შორის დიაბეტიან ბავშვებსაც. გუშინ 5 ბავშვი გადავიყვანეთ. კიდევ ერთხელ გავიმეორებ, მხოლოდ დიაბეტით დაავადებულ ბავშვებს კი არ იღებს, ზოგადად ბავშვთა კოვიდცენტრად გადაკეთდა.
-მე წავიკითხე ინტერვიუ, სადაც 19 წლის გარდაცვლილი თეკლა თორდიას მამას ჟურნალისტი ეკითხება, ხომ არ სჭამდა მისი შვილი შოკოლადს და ხომ არ იყო უმართავი მისი ავადმყოფობა, ვგულისმხობ დიაბეტს… ისე გამოვიდა, ჰკითხა, ხომ არ იყო თეკლას სიკვდილი, თეკლასვე ბრალი…
-თუ კარგად ვერ მართავდა, ბავშვი უნდა მოკლა??? ეს ბავშვი რომ კლინიკაში მიეყვანათ, 6 დღე რომ არ ჰყოლოდათ კოვიდსასტუმროში, არანაირი პრობლემა არ იქნებოდა!!! კლინიკაში მიყვანილი უკან დააბრუნეს. თეკლა ჩემ ხელში გაიზარდა, 1 წლიდან ჩვენთან იყო… ეს არის დაუდევრობა! ამაზე მკაცრი პასუხი უნდა აგონ! ხვალ უნდა შევხვდე მინისტრს, მოადგილეს და ამ საკითხს დავაყენებ! მესმის, რომ პანდემიაა, მესმის რომ რთული მდგომარეობაა, მაგრამ… ბავშვებში ლეტალური შემთხვევა არ გვქონია, არც ამ შემთხვევაში მოხდებოდა ეს ტრაგედია, 18 წელს გადაცილებული რომ არ ყოფილიყო ეს ბავშვი… უნდა არსებობდეს რაღაც სამსახური, რომელიც მკაცრად გააკონტროლებს ასეთ დაუდევრობებს, ასე როგორ შეიძლება, ვისაც “პატრონი” ჰყავს გადაიყვანო კლინიკაში და ვისაც “პატრონი” არ ჰყავს, არ გადაიყვანო, სამი ღამეა ამაზე ვფიქრობ, არ მიძინია…
კომენტარები